بابەكر زێباری: پێشمەرگە پشتی رێككەفتنێ دێ ڤەگەرنەڤە جهێن خوە
بابەكر زێباری، سوپا سالارێ بەرێ یێ سوپای عیراقێ و فەرماندەیێ پێشمەرگەی ، راگەهاند: "پشتی ب فەرمی هاتیە راگەهاندن كو داعش نەمایە چو هێزو دەسهەلات ل عیراقێ ددەستی دا نەمایە كو تێدا ب ئاشكرایی بزاڤا بكەن و خوتێدا پارێزن ،بەلێ نۆكە گروپێن وان ماینە كریارێن نهێنێ هەر هەنە و داعش دووماهیك نەهاتیەو دووماهیك ناهێت ژی ب ساناهی".
گۆتژی: "هەردەما رێككەفتن ناڤبەرا حوكمەتا كوردستانێ و عیراقێ هاتە كرن دێ پێشمەرگە ڤەگەرنەڤە سەر وان جهێن بەریا رودانێن 16 ێ ئوكتوبەرێ، بەلێ زێدە پێدڤیە ژبەركو نۆكە ئەو دەڤەر نەیێن عیراقێ و نەیێن كوردستانێ نە، لەورا پێدڤیە هێزێن پێشمەرگەی ل گەل سوپایێ عیراقێ تێدا بن ئەگەر ماددەیێ 140 بهێتە بجهكرن ژی دا جوداهی نەبیت و هەردولا یەن بەرهەڤبن داكو چو زیان نەبن و هەركەس ئازاد بیت ل بیرو بۆچون و دەنگدانا خوە".
ئاشكراكر: "شیعەو سونەیا ل كەڤندا ئاریشە هەبووینە هەتا نۆكە بەردەوامن ، بەلێ نۆكە سەر ئاستێن بلند شیعەو سونە رێككەفتینە بەلێ ل ئاستێ خوارێ ل گەل ئێك ناگونجن ئەگەر ئاریشێن وان چارە نەبن بەردەوام دێ تیرۆر هەبیت ل عیراقێ. سەردەمێ قاعیدێ چەكدار ل دەرڤە دهاتن شەر دكرن بەلێ ل گەل هاتنا چەكدارێن تیرورستێن داعش گەلەك عیراقی گەهشتنەڤ داعش لەوما مەترسی هەیە بۆ عیراقێ ، چۆ تشتەك نینە ب ناڤێ شانێن نڤستی یێن داعش ئەو دبەرهەڤن هەردەما دەلیڤە بۆ چێبوون، كریارا خوە ئەنجامبدەن بەلێ چو شیان و هێز نەمایە لەورا نەشێن خوە ئاشكرا بكەن".
تەكەزكر: "نۆكە ژ بلی داعش چەندین گروپێن دی یێن چەكداری ل عیراقێ هەنە بەلێ ژبەر داعش نەشیایە هەتا نۆكە خوە ئاشكرا بكەن. هەموو گروپێن توندرەون. ئەو عەرەبێن نۆكە ل سوریا دزڤرنەڤە، مەترسیدارن بۆ دەڤەرێن وەك شنگال ورۆژ ئاڤایێ دیجلە. دەستەكا كارا هەبوویە ل ئەنفالكرنا ئێزدی یادا چەندین ئێزدی رەڤاندن و زڤراندنا وان ب هەڤكاریا گروپێن ناڤ حەشدێ، دێ زور مەترسداربن. خەلیفێ داعش ئاشكرا دكەت و شەرێ وان بۆ سەركەفتنێ نینە بەلكو بۆ شهادەتێ یە. وان نۆكە خیلافەتا خوەیا ژ دەستدای سەردەمێ كو هاتی بۆ مووسل گەلەك ب هێز ڤە هاتن رێكلاما وێ چەندێ دكر كو دێ شەرێ هژمارەكا دەولەتا كەن پاشی شەرێ ئوروپا و ئەمریكا كەن بەلێ ئەو هێز نەمایە، بەلێ چەكدارێن مای".
باسنيوز
