پۆلیسێ پارێزگەھا دھۆکێ ئاگەھداریەکێ ل دور دیتنا چەند پارچێن زێری ژلایێ پۆلیسەکێ پارێزگەھا دھۆکێ ڤە بەلاڤ دکەت.

موقەدم ھێمن سلێمان، پەیڤدارێ رێڤەبەریا پۆلیسێ پارێزگەھا دھۆکێ دیار کر، پۆلیسەکێ دھۆکێ ب ناڤێ (جەمال محەمەد) ھندەک پارچێن زێری یێن بھاگران ل سەر جادا تاخێ ماسیکێ ل سەنتەرێ قەزا دھۆکێ دیتینە و ل رێڤەبەریا پۆلیسان پاراستینە و ھەر کەسێ زێرێن خوە بەرزەکرین دشێت سەرەدانا رێڤەبەریا پۆلیسێ پارێزگەھا دھۆکێ بکەت و ناڤ و نیشانێن زێرێن خوە بێژیت و وەربگریت.

ھێمن ئەوە ژی دیار کر کو وەلاتیەکێ دی ل تاخێ زەری لاند ب ناڤێ حسێن کو پیشانگەھەکا فرۆتنا کەل و پەلێن عنتیکە ھەیە، جزدانەکا پارا دیتە و کۆژمەکێ مەزن یێ پارا تێدایە و دایە دەستێ پۆلیسان و ھەر کەسێ ناڤ و نیشانان بێژیت دشێت وی پارەی ل رێڤەبەریا پۆلیسان وەربگریت.











باسنيوز