ئەمڕۆ هاوکات لەگەڵ یەکی ئایار، ڕۆژی جیهانیی کرێکاران، سەرۆک بارزانی، پەیامێکی پیرۆزبایی بەم بۆنەوە بڵاو کردەوە.



سەرۆک بارزانی لە پەیامەکەیدا وێڕای پیرۆزبایی لە کرێکارانی کوردستان، عێراق و جیهان، ئومێدی ژیانێکی بەختەوەر و دوور لە چەوسانەوەی بۆ هەموو کرێکاران خواستووە.



دەقی پەیامەکە:

"بەبۆنەی یەكی ئایار ڕۆژی جیهانیی كرێكاران گەرمترین پیرۆزبایی خۆم ئاراستەی كرێكارانی كوردستان و عێراق و هەموو جیهان دەكەم. ئومێدی ژیانێكی بەختەوەر و دوور لە چەوسانەوە بۆ هەموو كرێكارانی ئازیز دەخوازم و سوپاسی ئەرك و ماندووبوونیان دەكەم".