لەلایەن بەشی چالاكیی مین لە بەڕێوەبەرایەتیی گشتیی كاروباری مینی هەولێر، لە دەڤەری باڵەكایەتی ژمارەیەكی زۆر مین لەناو بردران.

موخلیس شەریف، بەڕێوەبەری چالاكیی مین، سەر بە بەڕێوەبەرایەتیی گشتیی كاروباری مینی هەولێر رايگەیاند: "لە درێژەی كار و چالاكییەكانیاندا ئەمڕۆ سێشەممە 30/4/2019 لەلایەن تیمی.EOD. سەر بە بەڕێوەبەرایەتیی گشتیی كاروباری مین/هەولێر، لە گۆندی دەربەندی سەر بە شارۆچكەی چۆمان، لە دەڤەری باڵەكایەتی ژمارەیەكی زۆر لە مین و تەقەمەنی نەتەقاوە لەناو بران".

گوتیشی، ئەم مینانە پێشتر لەلایەن تیمەكانی هەڵگرتنەوەی مین و تەقەمەنییەكان كۆ كرابوونەوە و دوای گواستنەوەیان بۆ شوێنێكی تایبەت لە باڵەكایەتی بە شێوەیەكی سەركەوتووانە لەناو بردران.









باسنيوز