لیژنەی ئابووری لە قایمقامیەتی شاری سۆران، له هەڵمەتێکدا دەستیان بەسەر زیاتر لە 185 کارتۆن هێلکەی ماوەبەسەرچوو داگرت و لەناو بردران.

رێبوار محەمەد، بەرپرسی لیژنەی ئابووری لەقایمقامیەتی شاری سۆران، رايگەیاند: ”لەبەردەوامی کارو چالاکییەکانماندا لەپێناو کۆنتڕۆڵکردنی بازاڕ و دوکانەکان و نەهێشتنی کەل و پەل و خواردەمەنی و کاڵای ماوەبەسەرچوو، ئەمڕۆ 30/10/2018، دوای ئەنجامدانی هەڵمەتێک دەست بەسەر بری 185 کارتۆن هێلکە داگیراو گواسترانەوە بۆ شوێنی گونجاو و لەناوبردران".

بەرپرسی لیژنەی ئابووری سۆران، ئەوەشی خستە روو، کە رێکاری یاسایی بەرامبەر بە خاوەنەکەی گیرابەر و بەردوامیش دەبین لەسەر ئەم هەڵمەتانە لەپێناو پاراستنی تەندروستیی هاووڵاتییان.








باسنيوز