بڕیارە سبه‌ى سێشەممە مەلا مەزهەر خوراسانی له‌ به‌رده‌م دادگاى سلێمانى ئاماده‌ بێت، بۆ ئەوەی وەڵامی ئەم تۆمەتانە بداتەوە كە له‌لايه‌ن چه‌ند گرووپ و رێكخراوێكى ژنان و كۆمه‌ڵگەى مه‌ده‌نييه‌وه‌ لە دژیدا تۆمار كراوه‌.


پێشتريش مەلا مەزهەر خوراسانی چه‌ند جارێك سكاڵاى له‌و جۆره‌ی لەسەر تۆمار كراوە و دادگا بڕيارى بێ تاوانى ده‌ركردووه‌.


ئەگەرچی لەلایەن مەلا مەزهەر و دادگاشەوە باس لە تۆمەتەكان نەكراوە كە ئاراستەی ناوبراو دەكرێتەوە، بەڵام پێدەچێت لەسەر ئەم لێدوانە تەلەڤزیۆنیەی مەلا مەزهەر خوراسانی بێت كە لە ماوەی مانگی رەمەزانی رابردوودا پێشكەشی كرد و لە لێدوانێكدا ژنانی كورد بە(دیناسۆر) وەسف كردبوو، ئەمەش بووبووە هۆی تووڕەبوونی ڕێكخراوەكانی ژنان.

bas news-