بڕیاره‌ ئێڤاریا ئه‌ڤرۆ یا رۆژا ئێكشه‌مبى، كۆمبوونه‌كا چاره‌نڤیسار ل سه‌ر ڤه‌گه‌ریانا ئه‌نجوومه‌نێ قه‌زا شنگال یێ شه‌رعى بۆ شنگال دناڤبه‌را ئه‌نجوومه‌نێ قه‌زا شنگال و حكوومه‌تا عیراقێ دا بهێته‌ به‌ستن.

وه‌یس نایف، سه‌رۆكێ ئه‌نجوومه‌نێ قه‌زا شنگال، تایبه‌ت راگه‌هاند، كۆمبوونا مه‌ دێ ل ده‌مژمێر 4:00 ئێڤارى هێته‌ به‌ستن و تێدا دێ نوونه‌رێ حكوومه‌تا عیراقێ و نوونه‌رێ حه‌شدا شه‌عبى و سه‌رۆكێ ئه‌نجوومه‌نێ پارێزگه‌ها مووسل (سه‌یدو چه‌تۆ) و ئه‌نجوومه‌نێ قه‌زا شنگال ژى تێدا به‌شدار بن و د ڤێ كۆمبوونێ دا دێ به‌حس ل سه‌ر ڤه‌گه‌ریانا ئه‌نجوومه‌نێ قه‌زا شنگال یێ شه‌رعى بۆ شنگال هێته‌ كرن.

هه‌مان به‌رپرسى ئه‌و یه‌ك ژى نه‌ ڤه‌شارت كو هه‌موو بزاڤ دێ هێنه‌ كرن كو ئه‌نجوومه‌نێ قه‌زا شنگال یێ شه‌رعى ب ڤه‌گه‌ریته‌ شنگال، چونكو هه‌تا ئه‌م نه‌ڤه‌گه‌رینه‌ شنگال، ره‌وشا ده‌ڤه‌رێ وه‌كو به‌رێ جاره‌كا دى ئارام نابیت.











باسنيوز