ژمارەیەک پارتی باکووری کوردستان کۆبوونەوەیەک لە شاری دیاربەکر ساز دەکەن بۆ پێکهێنانی هاوپەیمانییەک بۆ بەشداریکردن لە هەڵبژاردنی شارەانییەکانی تورکیا.

ئەو پارتانە، لەژێر ناوی ”خۆمان شارەکانی خۆمان بەڕێوە ببەین“ هەوڵی دروستکردنی هاوپەیمانییەک دەدەن بۆ بەشداریکردن لە هەڵبژاردنی شارەوانییەکانی باکووری کوردستان و تورکیا، کە بڕیارە رۆژی 30ـی ئاداری 2019 بەڕێوە بچێت.

زۆربەی پارتەکانی باکووری کوردستان، کە گرنگترینیان بریتین لە پارتی دیموکراتی کوردستان-باکوور و پارتی دیموکراسی گەلان (هەدەپە)ن، بەشداریی کۆبوونەوەکە دەکەن، کە بڕیارە لە کاتێکی داهاتووی ئەمڕۆ شەممە 27/10/2018 بەڕێوە بچێت.

بەپێی زانیارییەکان، هەردوو پارتی ماف و ئازادییەکان (هاکپار) و پارتی هودا (هوداپار) رەتیان کردووەتەوە بەشداریی کۆبوونەوەکە بکەن و بچنە ناو لیستێکی هاوبەش لەگەڵ هەدەپە، چونکە ”شێوازی سیاسەتی هەدەپە لەگەڵ ئێمە سیاسەتی ئێمە جیاوازە و سیاسەتی ئەوان بە راست نازانین“.












باسنيوز