رێڤه‌به‌رێ ده‌سته‌یا مافێ مرۆڤى ل پارێزگه‌ها دهۆكێ راگه‌هاند، د ناڤا چاكسازیا مه‌زنان دا ل پارێزگه‌ها دهۆكێ 105 دادگه‌هكرى پشتى فێرى كارێن ده‌ستى بووین نها كاردكه‌ن و هه‌یڤانه‌ مۆچه‌یه‌كى وه‌ردگرن.



دلێر عه‌بدولڵا، رێڤه‌به‌رێ ده‌سته‌یا مافێ مرۆڤى ل پارێزگه‌ها دهۆكێ، ، چه‌ند ساله‌كه‌ رێڤه‌به‌ریا چاكسازیا مه‌زنان ل پارێزگه‌ها دهۆكێ كار دكه‌ن بۆ هندێ كارى بۆ دادگه‌هكریێن خوه‌ په‌یداكه‌ن و خۆلا بۆ وان ڤه‌دكه‌ن بۆ هندێ فێرى هنده‌ك كاریێن نوو ببن و هنده‌ك ژ وان نها بۆ خوه‌ كار دیتینه‌ و هنده‌ك ل ناڤ چاكسازیێ دا كاردكه‌ن و گۆتیشى: 20 دادگه‌هكرى كارێ كشتۆكالى د ناڤ باخچه‌یێن چاكسازیێ دا دكه‌ن و مۆچه‌یێ وان دناڤبه‌را 50 بۆ 100 هزار دیناران دایه‌.



ئاشكرا ژى كر، كو دادگه‌هكریێن دى ل نانپێژیێ، هۆلا كارێن ده‌ستى و شێوه‌كارى، ل جهێ سه‌رتراشینێ، ل به‌ر په‌رتۆكخانا گشتى، ل ژوورا درینگه‌هێ، ل كارگه‌ها چێكرنا مه‌حفیران و ل لێنانگه‌هێ كاردكه‌ن و مۆچه‌یێ وان دناڤبه‌را 50 هزار و هه‌تا 300 هزار دیناران وه‌ردگرن و ڤێ یه‌كێ ژى گه‌شه‌ و خۆشیه‌كا مه‌زن دناڤ دادگه‌هكریان دا په‌یداكریه‌.
bas news-