له‌ زانكۆی پۆلیتەكنیكی پۆڵۆنیا له‌ به‌شی ئه‌ندازیاری شارستانی (مه‌ده‌نی) قوتابی دكتۆرا حه‌سه‌ن علی سوڵتان، توانی زۆر به‌ سه‌ركه‌وتووانه‌ بڕوانامه‌ی دكتۆرا به‌ده‌ست بهێنێت له‌ بابه‌تێكی زۆر گرینگ و پێویست بۆ ھه‌موو جیھان و به‌تایبه‌ت بۆ عێراق و ئه‌و ناوچه‌یه‌.


توێژینه‌وه‌ی ئەو قوتابییە کوردە، له‌بواری چۆنیه‌تی دیزاینكردن و دروستكردنی تاوه‌ر و نهۆمه‌ هه‌ستیاره‌كان بوو به‌جۆرێك كه‌ بتوانن به‌رگری بكه‌ن له‌كاتی ته‌قینه‌وه‌ی تیرۆریستی و ڕووداوی جیاجیا و ئه‌و وزه‌یه‌ی له‌كاتی ته‌قینه‌وه‌ دروست ئه‌بێ نه‌بێته‌ ھۆی ڕووخانی جێگایه‌كه‌.


لێكۆڵینه‌وه‌كه‌ و ئه‌نجامه‌كانی شتێكی نوێیە له‌ زانستی بیناسازی، نەک ھه‌ر له‌ پۆلۆنیا به‌ڵكو له‌ ئه‌وڕووپا و جیھانیش.


له‌لایه‌ن نوێنه‌رایه‌تی حكوومه‌تی ھه‌رێمی كوردستان له‌ پۆڵۆنیا ده‌ستخۆشی له‌م قوتابییه‌كه‌ كراوه‌ له‌ مه‌راسیمكێدا خه‌ڵاتی رێزلێنانی پێدرا.
bas news-