پێشمەرگەیى نەشەر ڤیایە و نە شەرخوازە، بەلێ دەمێ شەر هاتیە لسەر سنورێن کوردستانێ و ب تایبەت دشەرێ مەحموودیە و عین عویز و تلسقوفدا، پێشمەرگەیى ب روحیەتا بلند و ب وێرەکانە بەرسڤا داگیرکەران دا، لڤى شەرى پێشمەرگەیى ب جەک و ب باوەرى و ب عەقیدەڤە هێرش کر و هەمیان زانى پێشمەرگەیى خودان چ جورە جەکە، دیسان وەزراتا پێشمەرگە یاسەر ب حکومەتا هەرێما کوردستانێ ڤە یاسایەکا رێکخستى هەیە، واتە پێشمەرگە لەشکەرەکێ نیزامى و دستورییە.


ل سالا 2014ێ تا ئەڤرۆ پێشمەرگەیێ کوردستانێ د چەپەرێن بەرخودانیێ دانە دژى تیرۆرستێن داعشێ، پشتى روودانێن 16ى ئیکتوبەرا 2017ێ، حەشدا شەعبى و سوپایێ عیراقێ هەولا داگیرکرنا کوردستانێ کر، بەلێ پێشمەرگەیى ل شەرێ پردێ و مەحموودیێ و عین عویز و تلسقوف و سحێلا بەرسڤا وانداو داستان تومارکرن، پشتى بورینا سالەکێ لسەر ڤێ روودانا دیرۆکى، لیوا بەهجەت سیلکێ، ئەندامێ فەرماندەیا پێشمەرگەیى زێرەڤانى بۆ مالپەرێ فەرمیێ پارتى دیموکراتى کوردستان گۆت:" پێشمەرگەیى نەشەر ڤیایە و نە شەرخوازە، لێ دەمێ شەر هاتیە لسەر سنورێن کوردستانێ، هەر ژدەسپێکا شەرى دژى تیرۆستێن داعشێ پێشمەرگە دچەپەرێن بەرخودانیێ دا بوو و داستان تومارکرینە، ئەڤە دەستکەفتە ژى ڤەدگەریت بو بیروباوەرێن پێشمەرگە ب وەلات و ئاخا وى، حەشدا شەعبى ژى هەولا داگیرکرنا کوردستانێ کر، بەلێ پێشمەرگەیى ب هەمان روحیەتا بلند و ب وێرەکانە بەرسڤا داگیرکەران دا".


سەرکردایەتیا سیاسى و لەشکەرى ل هەرێما کوردستانێ هەولدا شەر دروست نەبیت و ب هەماهەنگى چەندین دەڤەر رادەستى سوپایێ عیراقێ کرن، بەلێ حەشدا شەعبى هەولا داگیرکرنا کوردستانێ کر، ژبەر هندێ پێشمەرگەیى سنورێن خو موکمکرنەڤە و بەرەڤانی ژ ئاخا کوردستانێ کر، لرێکەفتى 26/ 10/ 2017ێ، حەشدا شەعبى و سوپایێ عیراقێ ژ لایێ تلسقوف و عین عویز هێرش کرە لسەر هێزێن پێشمەرگەیى.

لیوا بەهجەت سێلکى خویاکر:" شەرێ مەحموودیێ و عین عویز و تلسقوف مورالا دژۆمنى شکاند و بۆ هەمى جیهانێ دیارکر پێشمەرگە بهوستەکێ ژئاخا کوردستانێ بەرنادەت و پێشمەرگەیى بەرخودانیەکا مەزن و ب روحەکا قەهرەمانە کر، شەر ب سەرکەفتیانە هاتە تومارکر".

لیوا بەهجەت زەلالکر کر:" لڤى شەرى پێشمەرگەیى بجەک و ب باوەرى و ب عەقیدەڤە شەر کر و هەمیان زانى پێشمەرگەیى خودان چ جورە جەکە، بەلێ هەر جەکەکێ پێشمەرگەیى هەبیت دگەلدا مبدئەکێ هەیى، ئەو ژى بیروباوەرى ب وەلات کۆ ژ هەمى جەکەکى مەزنترە بۆ هێزێن پێشمەرگەیى".

بەندا (121) خالا (5) ژدستورێ عیراقێ دیارکریە، حکومەتا هەرێما کوردستانێ مافێ دامەزراندنا هێزێن نافخۆ وەک ئاسایش و زێرەڤانێن هەرێمێ هەیە.

بەدرخان زاویتەیى یاساناس و چاڤدێرێ سیاسى بۆ مالپەرێ فەرمیێ پارتى دیموکراتى کوردستان بەحسکر: پێشمەرگە لگور دستورى یێ هاتیە پێناسەکرن ب زێرەڤانێن سنورى یێن هەرێما کوردستانێ، پێشمەرگە ژى بەرەڤانیێ ژ سنورێ خۆ در، دیسان وەزراتا پێشمەرگە سەر ب حکومەتا هەرێمێ ڤەیە و یاسایەکا رێکخستى هەیە، واتە پێشمەرگە لەشکەرەکێ نیزامى و دستورییە، مەزنترین بەلگە ژى جەککرن و هنارتنا پێشمەرگەیى بۆ پشکداریکرنێ دخولێن لەشکەریدا ل وەلاتێن زیلهێز، حکومەتا عیراقێ باش دزانیت پێشمەرگەیێ دستورییە، ژبەر هندێ دان و ستاندنێ ژى دگەل وەزارەتا پێشمەرگە دکەت چ ژ روویى لەشکەرى یان سیاسی ڤە بیت.

عەقید ئازاد سەعید سندى فەرماندێ بەتالیونا ئێک ل سوپایێ چوار سەر ب فەرماندەیا دهۆک ڤە بۆ مالپەرێ فەرمیێ پارتى دیموکراتى کوردستان راگەهاند:" ئەڤ شەرە نە وەکى یێ داعشێ بوو، جونکى داعشێ ب پیا دهاتن و خو دپەقاند یان ب ئوتومبێلێن بێ خیر دهاتن، شەرێ حەشدا شەعبى هەمى ب جەکێ ئەمریکى و ب ئەمبرانزا و ب جەکێ گران یێ ئیرانى بوو، ل شەرێ عین عویز و مەحموودیە و خرابکیێ حەشدا شەعبى و سوپایێ عیراقێ نیزیکى 2600 راجمە و توپ و بەرکێن 128 دانانە پێشمەرگەیى، لێ پێشمەرگەیى زەرەکا مەزن ل واندا تا 60 تەرمێن وان گەهاندنە ئیرانێ و ژبلى یێن عیراقێ، دئەنجامدا سوپایێ عیراقێ دگەل جەتێن ئیرانێ شکەستن خوار، مە شەرێ سێ وەلاتان دکر (عیراق- ترکیا- ئیران)، بەلێ پێشمەرگەیى ئیرادا وى ب خودێ و ب خەلکێ کوردستانێ موکمە و هەر دێ سەرکەفتنا تومار کەت".

رائید بشار فەریق زێبارى ئامر سرى یێ فەوجا 2 یێ دژە تیرۆرا دهۆکێ بۆ مالپەرێ فەرمیێ پارتى دیموکراتى کوردستان ئاخفت:" پێشمەرگە یێ ب مورالەکا بلند گازى ئازادیا کوردستانێ دکر، حەشدا شەعبى و سوپایى عیراقێ ب دوو لایەنانڤە هێرشکرە سەر هێزێن پێشمەرگەیى و دئەنجامدا شکەستن دیت و نوکە ژى فەرمانا شەرى بهیت پێشمەرگە دێ شیت وان دەڤەرێن هاتیە داگیرکرن یان ب هەماهەنگى هاتینە بەردان رزگار بکەنەڤە و داستانان تومار بکەن".
kdp-