قایمقامی قەزای ناوەندیی هەولێر ڕای دەگەیەنێت، ئەو بڕە نەوتەی لە بەغداوە ڕەوانە دەکرێت، بەسەر خەڵکی ناوچە شاخاوییەکاندا دابەش دەکرێت.

نەبەز عەبدولحەمید، قایمقامی قەزای ناوەندیی هەولێر ڕایگەیاند: "ڕۆژانە سێ بۆ چوار تانکەر نەوت لە بەغداوە دێت، ئێمەش بۆ ناوچە شاخاوییەکانی دەنێرین و لەوێ دابەش دەکرێت".

قایمقامی قەزای ناوەندیی هەولێر ئاماژەی بەوەش کرد: "هەوڵەکانی پارێزگار بۆ بەردەوامی بە هاتنی ئەو بڕە نەوتە و زیاتر لە بەغداوە بەردەوامن، بۆ ئەوەی وەک بابەتی ناردنی بەنزین نەبێت".

ڕوونیشی کردەوە ئەگەر ناردنی ئەو بڕە نەوتە لە بەغداوە ڕانەگیرێت، ئەوا پێ بە پێ دێتە خوارەوە بۆ سەنتەری شار و گوتیشی "بەپێی پسوولەی خۆراک هەر خێزانێک یەک بەرمیل نەوتی پێ دەدرێت".









باسنیوز