به‌ڕێوه‌به‌ری ڕاگه‌یاندنی زانكۆی ڕاپه‌ڕین، كاتی ده‌ستپێكی ده‌وامی قوتابیانی قۆناغی یه‌كه‌می له‌ زانكۆی ڕاپه‌ڕین ئاشكرا كرد.

ئاراز ڕه‌مه‌زان، به‌ڕێوه‌به‌ری ڕاگه‌یاندنی زانكۆی ڕاپه‌ڕین، ڕايگه‌یاند: ”پێویسته‌ قوتابییانی قۆناغی یه‌كه‌می سه‌رجه‌م به‌شه‌كانی زانكۆی ڕاپه‌ڕین تا رۆژی پێنجشه‌ممه‌ 25/10/2018، مامه‌ڵه‌ی وه‌رگیرانیان ته‌واوكردبێت و په‌یوه‌ندیان به‌ كۆلێژ و به‌شه‌كانیانه‌وه‌ كردبێت“.

به‌ڕێوه‌به‌ری ڕاگه‌یاندنی زانكۆی ڕاپه‌ڕین، ئەوەشی خستە روو، کە پێویستە له ‌رۆژی شه‌ممه‌ 27/10/2018، قوتابیانی قۆناغی یه‌كه‌م له‌هۆله‌كانی خوێندن ئاماده ‌بن بۆ ده‌ستكردن به‌ خوێندنی وانه‌كانیان.

پێشووتر یاریده‌ده‌ری زانكۆی ڕاپه‌ڕین ئاشكرای كردبوو، كه‌ نزیكه‌ی 750 قوتابی بۆ ئه‌مسالی خوێندن له‌ زانكۆی ڕاپه‌ڕین وه‌رده‌گرن.










باسنيوز