به‌رپرسی كۆمیته‌ى گوڵاڵه‌ى یه‌كێتى نیشتمانى كوردستان، سه‌ربڕینى ئه‌ندامانى خێزانێكى له‌لایه‌ن كه‌سانى نه‌ناسراوه‌، له‌ گه‌ڕه‌كێكى عه‌ره‌ب نشینى شاره‌دێی گوڵاڵه‌ (جه‌له‌ولا)، ڕاگه‌یاند.


خه‌لیل خوداداد، به‌رپرسی كۆمیته‌ى گوڵاڵه‌ى یه‌كێتى نیشتمانى كوردستان، ڕاگه‌یاند "نزیكه‌ى كاتژمێرێك پێش ئێستا 21/ 10/ 2018 له‌ گه‌ڕه‌كى ته‌جنیدى شاره‌دێی گوڵاڵه‌، ئه‌ندامانى خێزانێك له‌لایه‌ن كه‌سانى نه‌ناسراوه‌وه‌ به‌ چه‌قۆ، سه‌ربڕدران".


گوتیشی "خێزانه‌كه‌ به‌نه‌ته‌وه‌ توركمانن، پیاوێك و هاوسه‌ره‌كه‌ی و كچێكیان سه‌ربڕدراون، به‌ڵام تا ئێستا هۆكاره‌كه‌ى نه‌زانراوه‌".


له‌ 16ى ئۆكتۆبه‌رى 2017، شاره‌دێی گوڵاڵه‌، دواى ئه‌وه‌ى پێشتر له‌لایه‌ن هێزه‌كانى پێشمه‌رگه‌وه‌ له‌ ده‌ست داعش ڕزگار كرا، جارێكی دیكه‌ داگیر كرایه‌وه‌ و میلیشیاكانى حه‌شدى شه‌عبى، ده‌ستیان به‌سه‌ر ئه‌و شارۆچكه‌یه‌دا گرت.

bas news-