عومەر توڤى، بەرپرسێ راگەهاندنا فلمە فیستەڤالێ دهۆکێ راگەهاند، گەرا شەشێ یافلمە فیستەڤالا دهۆک یا نیڤدەولەتى بۆ پێشڤەبرنا ئاستێ سینەمایى یە ل دەڤەرێ و ناساندنا کەلتورێ مللەتێ کورد و روویێ گەشێ کوردستانێ دهەمى لایەکیڤە ب پشکداریا فلمێن درێژ و کورت و بەلگەیى و پتر ژ 50 وەلاتان پشکدارن، دڤێ فلمە فیستەڤالێدا تەکەز لسەر رۆلێ ژنێ کریە و پوستەرێ فیستەڤالێ ژى دەربرین ل ژنێ.

عومەر توڤى، بەرپرسێ راگەهاندنا فلمە فیستەڤالا هۆک بۆ مالپەرێ فەرمیێ پارتى دیموکراتى کوردستان گۆت:" گەرا شەشێ یا فلمە فیستەڤالا دهۆک یا نیڤدەولەتى بۆ پێشڤەبرنا ئاستێ سینەمایى یە ل دەڤەرێ و ناساندنا کەلتورێ مللەتێ کورد و روویێ گەشێ کوردستانێ دهەمى لایەکیڤە ب پشکداریا فلمێن درێژ و کورت و بەلگەیى، کۆ بۆ ماوەیێ شەش سالایە ئەڤ فیستەڤالە ب پشکداریا فلم ساز و سینەماکار و دەرهێنەران لسەر ئاستێ جیهانێ دئێتە ئەنجامدان".

عومەر توڤى خۆیاکر:" پتر ژ 50 وەلاتان پشکدارى فلمە فیستەڤالا دهۆک بووینە، وەلاتێ ئەرمینیا میڤانداریەکا تایبەت دڤێ فیستەڤالێدا هەیە، کۆ ب چەندین فلما پشکدار بوویە و دێ چەندین فلمێن کوردى ب پشکداریا هەر چوار پارچەیێن کوردستانێ و کوردێن ل ئوروۆپا ژى ئێنە نیشاندان، ب گشتى بۆ ماوەیێ هەشت رۆژا دێ 105 فلم ئێنە نمایشکرن".

بەرپرسێ راگەهاندنا فیستەڤالێ پتر روونکرن دا:" فلمە فیستەڤالا شەشێ تەکەز لسەر رۆلێ ژنێ کریە و پوستەرێ فیستەڤالێ ژى دەربرین ل ژنێ، کۆ ناڤەرۆکێن فلما پتر بەحسى ژیان و ژیارا و رۆلێ وێ دکەن ب تایبەت دبوارێ سینەمایێ دا، دیسان 7 پەنەلە ب سمینارێن جودا جودا لسەر رۆلێ ژنێ د هونەرى و پێشڤەچوونێ دایە دێ ئێنە پێشکێشکرن".

ئەڤرۆ 20-10- 2018ێ، دێ روى و رەسمێن ڤەکرنا گەرا شەشێ یافلمە فیستەڤالا دهۆک ل دەمیژمیرى 5ى ئیڤارى ل هولا کونفرانسان ب نمایشکرنا فلمێ (زاکروس) یێ ژ دەرهێنەر (سەلیم عومەر خەلیفە) دەستپێکەت، دێ ژ 20 تا 27ى ڤێ هەیڤێ فیستەڤالا بەردەوام بیت .
kdp -