سه‌رۆكێ باژێرڤانیا كۆمه‌لگه‌ها ته‌ناهى سه‌ر ب قه‌زا سێمێلێ ڤه‌ راگه‌هاند، د ماوێ ئه‌ڤ ساله‌ دا 238 پارچێن ئه‌ردى ل سه‌ر خێزانێن شه‌هیدان یێن شه‌رێ داعش هاتینه‌ به‌لاڤكرن.

نزار نێچیرڤان حه‌سه‌ن، سه‌رۆكێ باژێرڤانیا ته‌ناهى سه‌ر ب قه‌زا سێمێلێ ڤه‌ دیار كر، ل گۆره‌ى بریارا ئه‌نجومه‌نێ وه‌زیرێن حكومه‌تا هه‌رێما كوردسانێ، د هه‌یاما ئه‌ڤ سال یا 2018 دا ل سنوورێ كۆمه‌لگه‌ها ته‌ناهى، 238 پارچێن ئه‌ردى ل سه‌ر خێزانێن شه‌هیدان یێن شه‌رێ داعش هاتینه‌ به‌لاڤكرن و ل گه‌ل هندێ ژى نها ڤه‌دیتن بۆ جهێ وان پارچه‌ ئه‌ردان هاتیه‌ كرن بۆ هندێ خزمه‌تگۆزارى بگه‌هنه‌ وێرێ و پرۆژه‌یێن خزمه‌تگۆزارى لێ بهێنه‌ ئه‌نجامدان.

نێزیكى 50 هزار خێزانان ل كۆمه‌لگه‌ها ته‌ناهى دژین و خه‌لكێ وێ پتر ئه‌ون یێن ژ كوردستانا رۆژئاڤا هاتین و ل ڤێره‌ ئاكنجى بووین، كۆمه‌لگه‌ه سه‌ر ب قه‌زا سێمێلێ ڤه‌ یه‌ و نێزیكى 5 كیلۆمه‌تران دكه‌ڤیته‌ رۆژئاڤایێ سه‌نته‌رێ پارێزگه‌ها دهۆكێ.










باسنيوز