سەرچاوەیەکی پۆلیسی له‌ خانەقین ڕاگەیاند: تەقینەوەکان له‌ڕێگه‌ی بۆمبی دەنگییه‌وه‌ ئه‌نجامدراون و ھیچ زیانێکی گیانیان به‌دواوه‌ نەبووە، به‌بێ ئه‌وه‌ی ئاماژه‌ به‌ مه‌به‌ست و چۆنیه‌تی ئه‌و ته‌قینه‌وانه‌ بكات.

ئه‌و سه‌رچاوه‌یه‌ دووپاتیشیكرده‌وه‌، ھەردوو تەقینەوەكه‌ لە گوندی یوسف بەگ روویانداوه‌، كه‌ ئه‌و گونده‌ به‌هۆی نزیكی له‌ سه‌نته‌ری خانه‌قین، بووه‌ته‌ گه‌ڕه‌كێكی ئه‌و شارۆچكه‌یه‌.

تائێستاش هیچ زانیارییه‌ك له‌سه‌ر ئه‌نجامده‌رانی ئه‌و ته‌قینه‌وه‌ رانه‌گه‌یه‌ندراوه‌.

دوای هێرشی حه‌شدی شه‌عبی و سوپای عێراق و كشانه‌وه‌ی هێزه‌كانی پێشمه‌رگه‌ له‌ ناوچه‌ كوردستانییه‌كان، دۆخی ئه‌منی ئه‌و ناوچانه‌ ئاڵۆزبووه‌، به‌شێوه‌یه‌كی نیمچه‌ رۆژانه‌ لێره‌ و له‌وێ ته‌قینه‌وه‌ و هێرشی خۆكوژی ئه‌نجام ده‌درێن و هاووڵاتیان له‌ ترس و نیگه‌رانیدا ده‌گوزه‌رێنن.
k24-