له‌ دوێنێ شه‌وه‌وه‌ دوو بوومه‌له‌رزه‌ سنووره‌كانی هه‌ردوو قه‌زای سۆران و رواندزی گرتووه‌ته‌وه‌، ئه‌وه‌ی یه‌كه‌م به‌ هێزه‌ی 3.3 پله‌ بووه‌ به‌ پێوانه‌ی رێخته‌ر و ئه‌وه‌ی دوومیشیان 3.9 پله‌ بووه‌، تا ئێستاش هیچ زیانێكی گیانییان لێ نه‌كه‌وتووه‌ته‌وه‌.

كرمانج عیزه‌ت، قائیمقامی قه‌زای سۆران رایده‌گه‌یه‌نێت، بوومه‌له‌رزه‌ی دووه‌م، هێزه‌كه‌ی 3.9 پله‌ بووه‌ به‌ پێوه‌ری رێخته‌ر و كاتژمێر 6:08 خووله‌كی ئێواره‌ی روویداوه‌، به‌ڵام ئه‌مجاره‌ بوومەلەرزەکە لە شوێنی شەوی رابردوو نەبووه‌ و 26 كیلۆمه‌تر لە باکووری رواندز و سۆران بووه‌.

قائیمقامی سۆران له‌ فه‌یسبووكه‌كه‌ی خۆیه‌وه‌ ئاماژه‌ی به‌وه‌شكردووه‌، "پێشبینی دەکرێت نەك ھەر دەنگ، بەڵکو رووناکی و تیشکیشی لێ دەرکەوێ".

كرمانج عیزه‌ت، دووپات له‌وه‌ ده‌كاته‌وه‌، ئه‌گه‌رچی سۆران له‌سه‌ر هێلی بوومه‌له‌رزه‌ نییه‌، بەڵام لە کاتی دووبارە بوونەوەی مانای ئەوە نییە کە ئامادەیی وەرنەگیرێ.

k24-