شانده‌كێ نۆژدارێن ئه‌مریكی یێن پسپۆرێ نه‌خۆشیێن دلێ گه‌هشتنه‌ نه‌خۆشخانا ئازادی ل دهۆكێ، دێ هژماره‌كا نشته‌گه‌ریان بێ به‌رامبه‌ر بۆ زارۆكان ئه‌نجام ده‌ن.


د. سردار غازی، پسپۆرێ نه‌خۆشیێن دلی ل سه‌نته‌رێ دل ل دهۆكێ دیاركر: "شاندێ نۆژدارێن ئه‌مریكی پێكهاتی ژ 10 نۆژدار و ھاریكارێد وان. ئه‌ڤ نۆژدارێن ئه‌مریكی دێ نشته‌گه‌ریان بێ به‌رامبه‌ر بۆ زارۆكێن كو نه‌خۆشیا وان یا دل ھه‌یه‌، ئه‌نجام ده‌ن. رۆژانه‌ هه‌تا 20 نشته‌گه‌ریان دهێنه‌ ئه‌نجامدان بۆ زارۆكان بتایبه‌تی ژی زارۆكێن ماسولگێن وان یێن خوینێ هاتینه‌ گرتن دێ هێنه‌ نشته‌گه‌ریكرن".


خویا ژی كر: "ئه‌ڤرۆكه‌ 26/2/2018 ل سه‌نته‌رێ ئازادی یێ نشته‌گه‌ریێن نه‌خۆشیێن دلی ده‌ست بكار هاتیه‌ كرن هه‌تا رۆژا پێنج شه‌مبیێ دێ رۆژانه‌ نشته‌گه‌ری بۆ زارۆكان هێنه‌ كرن".










باسنیوز