هاووڵاتییەکی ئێرانی لە ئیستەنبووڵ ئاگری لە خۆی بەر دا
بەپێی هەواڵی میدیاکانی تورکیا ئەو هاووڵاتییە ئێرانییە ناوی (ڕەزا شەرەفخانی) و تەمەن 53 ساڵە و ئەمڕۆ چوارشەممە 2018/2/21 لەلای پەیکەری کۆماری لە مەیدانی تەقسیمی ئیستەنبووڵ ئاگری لە جەستەی خۆی بەرداوە و پاشان خەڵکی دەوروبەر خێرا فریای کەوتوون و ئاگرەکەیان کوژاندووەتەوە و گەیەندراوەتە نەخۆشخانە.
باس لەوە دەکرێت ژنێک چارشێوەکەی خۆی پێوە پێچاندووە و لە مەرگ ڕزگاری کردووە
هەتا ئێستا وردەکاریی زیاتر لەمبارەوە ئاشکرا نەبووە و پۆلیسی ئیستەنبووڵ، لەبارەی هۆکاری ئەو ڕووداوە دەستی بە لێکۆڵینەوە کردووە.
لە ساڵانی رابردوودا چەند حاڵەتێکی وەک خۆکوژی و خۆسووتاندنی پەنابەرانی ئێرانی لە تورکیا ڕووی داوە کە بەهۆی وەڵام نەدانەوە و پێڕانەگەیشتنی فیدراسیۆنی باڵای پەنابەرانی سەر بە نەتەوە یەکگرتووەکان، هاووڵاتیانی ئێرانی ناڕەزاییان دەربڕیبوو.
باسنيوز
