ب مه‌به‌ستا زێده‌كرنا ژێده‌رێن ئاڤێ بۆ كه‌رتێ چاندنێ ل سنورێ قه‌زا ئاكرێ هژماره‌كا مه‌زنا به‌نداڤا هاتیه‌ دروستكرن و هژماه‌رك ژى د قوناغا بجهئینانى دا هنده‌ك ژى ژلایێ جوتیاران ڤه‌ دهێنه‌ دروستكرن .



ره‌مه‌زان شه‌ریف ، رێڤه‌به‌رێ ئاڤا ئاكرێ راگه‌هاند: "بۆ گرنگى دان و عمبار كرنا ئاڤێ بۆ ده‌مێن پێدڤى هژماره‌كا به‌نداڤا هاتیه‌ دروستكرن ل ده‌ڤه‌را ئاكرێ بۆ وێ چه‌ندێ ل ده‌مێ پێدڤى مفا لێ بهێته‌ وه‌رگرتن بۆ كه‌رتێ چاندنێ".



ناڤبرى دیاركر ، هه‌تا نوكه‌ چار به‌نداڤێن مه‌زن و 15 به‌نداڤێن بچویك و ل گه‌ل دروستكرنا پێنچ به‌نداڤێن بچویك ژلایێ جوتیاران ڤه‌ هاتینه‌ دروستكرن و پلان هه‌یه‌ هژماره‌كادى بهێن دروستكرن.



ته‌كه‌ز كر: "دپلان دایه‌ هژماره‌كا به‌نداڤێن دن یێن ئاخێ بهێنه‌ دروستكرن بۆ چاره‌ كرنا ئاریشا كێم ئاڤیێ بریاره‌ 3 به‌نداڤێن مه‌زن و 16 به‌نداڤێن بچویك بهێنه‌ دروستكرن ل گه‌ل دروستكرنا هژماره‌كا به‌نداڤا ژلایێ جوتیارێن ده‌ڤه‌رێڤه‌ ئه‌گه‌ر قه‌یرانا دارایى نه‌با ئه‌م دا دروست كه‌ین به‌لێ ژبه‌ر نه‌ما شیانێن دروستكرنا پروژه‌یا جوتیار نه‌چار بۆینه‌ بۆ خوه‌ به‌نداڤا ل ناڤ ئه‌ردێن خوه‌ دروست كه‌ن".
bas news-