شەپۆلی بارانبارین بەردەوامە و ئاستی ئاوی چۆم و رووبارەكانی ناوچەی شارباژێڕ بە ڕێژەیەكی نائاسایی بەرز بووەتەوە.

کامەران حسن، قایممقایمی ماوەت ڕایگەیاند: "لە ناوچە جیاوازەكانی شارباژێڕ، رێگای هاتووچۆی زۆرێك لە گوندەكان داخراوە و زەوی و زار و باخی هاووڵاتیان ژێر ئاو كەوتوون.

گوتیشی: پردی مۆكەبە لەسەر رێگای قەیوان- ماوەت ژێر ئاو كەوتووە و رێگای هاتوچۆی داخراوە و ئێستا لەهەوڵی چارەسەرکردنی داین.

قائیمقامی ماوەت ئاماژەی بەوەش کرد، رێگای زۆرێك لە گوندەكانی ناوچەی شارباژێڕ داخراون، لەگەڵ رێگای سلێمانی- ماوەت و رێگای شارباژێڕ – پشدەریش داخراوە و پردی (قندۆڵ) لەنێوان پشدەر و ماوەت ژێر ئاو کەوتووە.











(باسنیوز)