سەرۆکێ باژێرڤانیا زاخۆ دیارکر کو وان جادەیەکا ناڤ سەنتەرێ زاخۆ ب ناڤێ پێشمەرگە ناڤکریە و ل نیڤا جادێ ل شوونا دارۆباری 25 پەیکەرێن پێشمەرگەی ھاتینە دانان.

ئەندازیار بژار مۆنیب، سەرۆکێ باژێرڤانیا زاخۆ، راگەھاند، بۆ ئێکەمین جارە ل زاخۆ جادەیەک ب ناڤێ پێشمەرگە دھێتە دانان و بۆ ئێکەمین جارە ژی ل نیڤا جادەکێ ل شوونا دارۆباری پەیکەرێن پێشمەرگەی بھێنە دانان و جادە ھەموو ب شێوەیەکێ گەلەک جوان و رێک و پێک ب 25 پەیکەرێن پێشمەرگەی ھاتیە خەملاندن.

گۆتیشی: ئەڤ کارێ ھاتیە کرن وەکو خزمەتەکە بۆ پێشمەرگەیێ قارەمان ل ناڤ چەپەرێن شەری دا و ئەو پێشمەرگەیێن خوینا خۆ قوربانی ڤێ ئاخا پیرۆز کری.









باسنیۆز