ژ ئه‌گه‌رێ بڕینا ئاهێن خوارنێ یێن ئاواره‌یێن شنگالێ ژ ئالیێ حكوومه‌تا عیراقێ ڤه‌، ئاواره‌ ناچاركرینه‌ نانێ ره‌ش و یێ جه‌هى بخۆن، چونكو ئه‌ڤه‌ ماوێ چوار هه‌یڤانه‌ حكوومه‌تا عیراقێ ئاهێن خوارنێ ژ ئاواره‌یێن شنگال بڕینه‌ و ره‌وشا وان ژى تێكچوویه‌.

سه‌یدو چه‌تۆ، ئه‌ندامێ جڤاتا پارێزگه‌ها مووسل راگه‌هاند، ئه‌ڤه‌ ماوێ چار مه‌هانه‌ ئاواره‌یێن شنگالێ ژ ئاهێن خوارنێ هاتینه‌ دابڕین و ب تایبه‌ت (ئار) ب تمامى هاتیه‌ بڕین و حكوومه‌تا عیراقێ ژى ئه‌ڤ پێنگاڤه‌ هاڤێتیه‌ بۆ هندێ ئاواره‌یێن شنگالێ به‌رى هه‌لبژارتنان ب ڤه‌گه‌رنه‌ سه‌ر مال و مۆلكێن خۆ و ئه‌ڤه‌ ژى بوویه‌ ئه‌گه‌ر كو ره‌وشا ئابوورى یا ئاواره‌یان تێكبچیت و ل شوونا نانێ گه‌نمى، نانێ ره‌ش و یێ جه‌هى بخۆن.

ئاشكرا ژى كر: "مه‌ ل گه‌ل رێڤه‌به‌رێ ئاهێن خوارنێ یێن مووسل روونشتینه‌ و مه‌ ئه‌ڤ گله‌ و گازنده‌ گه‌هاندینه‌ وان كو ئارێ چوار هه‌یڤان ل سه‌ر ئێك بهێته‌ مه‌زاختن و ئێدى ئه‌ڤ دابڕینه‌ نه‌هێته‌ كرن ڤه‌ و گۆت: حكوومه‌تا عیراقێ ب بیانۆیا وێ چه‌ندێ كو گه‌نم نه‌مایه‌، له‌وما ئارى بۆ ئاواره‌یان نافرێكه‌ن".










باسنيوز