نوونەرێ‌ پەیەدێ‌ راگەهاند كو ئەمریكا ب چ رەنگان یا بەرهەڤ نینە كێشەیا عفرینێ‌ چارەسەربكەت و پێ‌ خۆش ژی نینە بهێتە چارەسەركرن.

سلێمان عەرەب، نوونەرێ‌ پەیەدێ‌ ل هەرێما كوردستانێ‌ راگەهاند، هەتا نها پتر ژ هەیڤەكێ‌ یە هێرشا تۆندرەو یا وەلاتێ‌ توركیا هاتیە سەر باژێرێ‌ عفرینێ‌، بەلێ‌ شەرڤانان بەرەڤانیەكا باش ژ عفرینێ‌ كریە و نەهێلایە بكەڤیت و بهێتە داگیركرن و گۆت: وەلاتێن ئەمریكا و ئەورۆپا ژی باوەرنەدكر عفرین هەتا ڤی رادەی دێ‌ یا خۆراگربیت و شەرڤان دێ‌ ب ڤی رەنگی بەرەڤانیێ‌ ژێ‌ كەن و ناهێلن بكەڤیت.

ئاشكرا ژی كر كو د سەر هندێ‌ را مە هەموو وەلات ب شێوەیەكێ‌ فەرمی ل سەر هێرشا عفرینێ‌ ئاگەهداركرینە و داخوازا هاریكاریێ‌ كریە، بەلێ‌ هەتا نها هەموو وەلاتێن جیهانێ‌ بەرامبەر هێرشا عفرینێ‌ دبێ‌ دەنگن و گۆت: پەیەدە یا بەرهەڤە ڤێ‌ كێشەیێ‌ ب رێكێن ئاشتیانە چارەسەربكەت، بەلێ‌ تۆركیا ژبلی شەری چو دی نەڤێت.










باسنيوز