مامۆستایێن کۆمەلگەھا سیریێ سەر ب قەزا ئامێدیێ ڤە خۆپێشاندانەک دژی نەدانا مۆچەیێن خوە کرن و خواستن ب زووترین دەم مۆچەیێن وان بھێنە دان.

محەمەد شێلازی، ئێک ژ مامۆستایێن ئامادەبووی د ناڤ خۆپێشاندانێ دا راگەھاند، رەوشا مە مامۆستایان وەکو ئابووری گەلەک تێکچوویە و ئێدی ھند نەمایە زارۆیێن مە ژ دەستێن مە دەرکەڤن و ئەم ژی دناڤبەرا سۆزێن عەبادی و حکوومەتێ دا ماینە ھەلاویستی و نزانین چ بکەین.

ئاشکرا ژی کر، کو حکوومەتا ھەرێمێ ژی ئەڤە چەندین سالە مۆچێن مامۆستایان و ھەموو تەخێن دی یێن فەرمانبەران کێمکرین و گیرۆ ددەت و ئەم ب شێوەیەکێ راشکاوانە رادگەھینن کو مۆچە مافێ ماندیبوونا مەیە و نە منەتەکە دێ حکوومەت ل مە کەت ھەتا مۆچێن مە بدەتە مە و گۆت ژی: "ھیڤیدارین مۆچێن مامۆستایان ب شێوەیەکێ فەرمی و ھەیڤانە بھێنە دان و پاشی حکوومەت بلا موزایەداتێن سیاسی بۆ خوە بکەن".










باسنيوز