برێكارى وه‌زاره‌تا شه‌هید وئه‌نفالكریان ل هه‌رێما كوردستانێ دیاركركو ئه‌ڤرۆ 11/2/2018 ل پارێزگه‌ها دهۆكێ گریبه‌سته‌ك دناڤبه‌را ده‌سته‌یا ڤه‌كۆلینى و كۆمكرنا به‌ولگه‌نامه‌یان ورێكخراوه‌كا بیانێ دا هاته‌ مۆركرن بۆ كار ئاسانێ بۆ دیتنا چاره‌نڤیسێ ره‌ڤاندیێان.



به‌ره‌ڤان حه‌مه‌دى، برێكارى وه‌زاره‌تا شه‌هید وئه‌نفالكریان ل هه‌رێما كوردستانێ دیاركر: " رێكخراوه‌كا بیانى سیسته‌مێ نوو ل ده‌سته‌یا ڤه‌كۆلینى وكۆمكرنا به‌لگه‌نامه‌یان ئێخسته‌ وارى بجه ئێنانێ دا دێ داتایێن د ناڤ سیسته‌مێ نوو هێنه‌ دانان دێ بیته‌ ئه‌گه‌ر په‌ێوه‌ندیه‌كا باش دگه‌ل قوربانیان و كه‌س وكارێن وان بهێته‌ دروستكرن ئه‌ڤ سیسته‌مێ نوو یێ ئه‌نترناشینال ل 40 ده‌وله‌تان هه‌یه‌ ل هه‌ر جهه‌كێ كه‌س وكارێن قوربانێان لێ بن دشێن پێزانینان بده‌ن وه‌ربگرن بۆ دیتنا چاره‌نڤیسى قوربانیان".



خۆیا ژى كر: "هه‌ر ئه‌ڤرۆكه‌ كه‌یسا ئافره‌ته‌كا ئێزدى هاته‌ ئێكلایكرن ئه‌و ئافره‌تا ته‌رمێ وێ ل مووسل هاتیه‌ دیتن ل سه‌ر ده‌ستێ تیرۆرستێن داعش هاتیه‌ كوشتن پشتى پیشكنین هاتینه‌ كرن ل وه‌لاتى هۆله‌ند ئه‌نجام ئاشكرابوون وكه‌یسێ وێ قوربانیى ژى هاته‌ ئێكلاكرن".
bas news-