وەزیری بەرگریی بەریتانیا لە بارەی دوو چەکداری دیلی رێکخراوی تیرۆریستی داعش وەڵامی هێزەکانی سووریای دیموکراتی (هەسەدە) دەداتەوە.



رۆژی شەممە 10/2/2018، رێدوور خەلیل، فەرماندەیەکی هەسەدە لە لێدوانێکی رۆژنامەنووسیدا رایگەیاند بوو، ئەلێکسەندا کۆتی و شافعی شێخ، کە چەکداری داعش بوون و خاوەن رەگەزنامەی بەریتانی، لەلایەن شەڕڤانانی هەسەدەوە دەستگیر کراون و تا ئێستاش هیچ لایەنێک داوای نەکردوونەتەوە.


بەپێی هەواڵی میدیا بەریتانییەکان، رۆژی یەکشەممە 11/2/2018، گاڤن ویلیامسن، وەزیری بەرگریی ئەو وڵاتە رایگەیاندووە، بەریتانیا رەگەزنامەی لەو دوو چەکدارەی داعش وەرگرتووەتەوە.


گاڤن ویلیامسن هەروەها رایگەیاندووە، وڵاتەکەی ئەو دوو چەکدارەی داعش وەر ناگرێتەوە و رایگەیاندووە، ”پێویست ناکات ئەو دوو چەکدارە توندڕەوە بگەڕێنەوە بەریتانیا“.









باسنيوز