رێڤەبەریا پۆلیسێن ھاتن و چوونا پارێزگەھا دھۆکێ ئاگەھداریەکێ پێشکێشی شۆفێرێن سێ قەزایێن پارێزگەھێ دکەن.

رێڤەبەریا پۆلیسێن ھاتن و چوونا پارێزگەھا دھۆکێ د پەیجێ خوە یێ تۆرا کۆمەلایەتی (فەیسبووک) دا، ئاگەھداریەکێ ئاراستەی شۆفێرێن ھەرسێ قەزایێن ئاکرێ و شێخان و بەردەرەش دکەن و تێدا ئاشکرا کریە "ژ بۆ پتر خزمەتکرنا خەلکێ مە یێ خوشتڤی ھوبا تۆمارکرنا ترۆمبێلان ل رێڤەبەریا ھاتن و چوونا قەزا ئاکرێ ھاتە ڤەکرن ب ھەمی بەشێن خوڤە (تابلوییێن نوو - نووکرناسالنامێ ب ناڤکرنا سالنامێ و گوھۆرینا سالنامێ).

ئاشکرا ژی کریە کو بەری نھا ئاکنجیێن ھەرسێ قەزایان قەستا دھۆکێ دکرن بۆ ھندێ ڤان ھەموو کاران ل رێڤەبەریا پۆلیسێن ھاتن و چوونا پارێزگەھا دھۆکێ ئەنجام بدەن، بەلێ ژ بۆ ئاسانکرنا کارێ وان و کورتکرنا رێیا وان، ئەڤ خزمەتە بۆ وان ھاتیە کرن.

تێ زانین کو ل دەستپێکا ئەڤ سالە ب ھەمان شێوە ئەڤ خزمەتە بۆ خەلکێ قەزا زاخۆ ژی ھاتیە کرن.











باسنيوز