بەگوێرەی دوائاماری نەخۆشخانەی عەفرین، تا ئێستا 150 ھاووڵاتی سڤیل بەھۆی ھێرش و بۆردوومانەكانی توركیاوە بۆسەر عەفرین شەھید بوونە و، نزیكەی 300 كەسی دیكەش بریندار بوونە.

ئەنگێلا رەشۆ، ھاوسەرۆكی ئەنجوومەنی تەندروستیی كانتۆنی عەفرین، لەبارەی ئاماری قوربانیانی چواردە رۆژی رابردووی شەڕی عەفرین، ئاشكرای كرد: "تا ئێستا 150 ھاووڵاتی سڤیل لەو ماوەیەدا بەھۆی ھێرشەكانی توركیا شەھید بوونە و 298 دیكەش بریندار بوونە".

رەشۆ ئەوەشی خستووەتەڕوو: "فڕۆكە جەنگییەكانی و تۆپخانەكان توركیا، خەڵكی سڤیل دەكەنە ئامانج و زۆربەی ئەوانەی دەكرێنە ئامانج ژن و منداڵن".

داوایشی لە رێكخراوە نێودەوڵەتییەكان كرد، سەردانی عەفرین بكەن و لە نزیكەوە بارودۆخی خەڵكی سڤیل ببینن.

لە 20/1/2018، هێرشی توركیا بۆ سه‌ر عەفرین له‌ژێر ناوی "ئۆپەراسیۆنی چڵه‌زه‌یتون" و به‌ بۆردوومانكردنی شاره‌كه‌ له‌ لایه‌ن فڕۆكه جه‌نگییه‌كانی توركیاوه‌ به‌ فەرمی ده‌ستی پێكرد.
ئۆپەراسیۆنه‌كه‌ وێڕای به‌شداریی تانك و زرێپۆش و تۆپخانه‌كانی سوپای توركیا و هێزی ئاسمانی ئه‌و وڵاته‌، به‌ بەشداریی ده‌یانهه‌زار له‌ چه‌كداره‌ میلیشیاییه‌كانی "سوپای سووریای ئازاد" به‌ڕێوه‌ ده‌چێت.
kdp-