ژماره‌یه‌ك ئه‌ندامى په‌رله‌مانى كوردستان له‌ فراكسیۆنه‌ جیاوازه‌كان، پرۆژه‌ بڕیارێك بۆ فلته‌ركردنى پێگه‌ سێكسییه‌كانى ئینته‌رنێت، ئاراسته‌ى سه‌رۆكایه‌تى په‌رله‌مان ده‌كه‌ن.


حه‌یات مه‌جید په‌رخى، ئه‌ندامى په‌رله‌مانى كوردستان و یه‌كێك له‌و په‌رله‌مانتارانه‌ى واژۆى له‌سه‌ر پرۆژه‌ بڕیاره‌كه‌ كردووه‌، ڕاگه‌یاند: "پرۆژه‌ بڕیاره‌كه‌ له‌ هه‌فته‌ى ڕابردوودا واژۆى په‌رله‌مانتارانى بۆ كۆ كراوه‌ته‌وه‌ و 18 په‌رله‌مانتار واژۆیان له‌سه‌ر كردووه‌".

ڕوونیكرده‌وه‌، كه‌ پرۆژه‌ بڕیاره‌كه‌ له‌ 8 ماده‌ پێكهاتووه‌، له‌گه‌ڵ هۆكارى ده‌رچووانى پرۆژه‌ بڕیاره‌كه‌.


هه‌روه‌ها، گوتیشی "له‌هه‌موو وڵاتاندا یاساى هاوشێوه‌ هه‌یه‌ و بۆ هه‌رێمیش یاسایه‌كى گونجاوه‌، چونكه‌ ناكرێت تۆڕه‌كانى ئینته‌رنێت به‌شێوه‌یه‌ك بێت له‌هه‌موو ته‌مه‌نێك بتوانن به‌ئاسانى بڕۆنه‌ ناو هه‌موو ماڵپه‌ڕه‌كانه‌وه‌، له‌به‌ر ئه‌وه‌ى زۆرجار كێشه‌ى كۆمه‌ڵایه‌تى لێده‌كه‌وێته‌وه‌".


ئاماژه‌ى به‌وه‌شدا، كه‌: "ده‌ركردنى یاساكه‌ به‌گرنگ ده‌زانن بۆ پاراستنى ئاسایشی خێزان و كۆمه‌ڵایه‌تى و داب و نه‌ریتى كۆمه‌ڵگه‌، هه‌روه‌ها بۆ پاراستنى لاوان له‌ لادان و نه‌خۆشییه‌ كۆمه‌ڵایه‌تییه‌كان".
bas news-