سەنتەری دیموکراسی بۆ مافەکانی مرۆڤ لە کوردستان ئاماری 13مین رۆژی هێرشەکەی سوپای تورکیا بۆ سەر شاری عەفرین لە رۆژئاوای کوردستان بڵاو دەکاتەوە.

بەپێی راگەیەندراوێکی سەنتەرەکە رۆژی پێنجشەممە 2/2/2018 (13مین رۆژی هێرشەکە)، سوپای تورکیا گوندەکانی زەعرە، کۆتانا، قورنە، شەنگیلێ و قەرەکۆڵە، ناوجەی راجۆو جوندرێسەی لە عەفرین، تۆپباران کردووە.

بەهۆی تۆپبارانکردنەوەکەوە، هەروەک سەنتەرەکە رایگەیاندووە، پێنج کەس گیانیان لەدەست داوە و کەسێکی دیکە بریندار بووە.

لە رۆژی شەممە 20/1/2018ـەوە، سوپای ئازادی ئۆپۆزیسیۆنی سووریا و سوپای تورکیا بە بەکارھێنانی ھێزی ئاسمانی، زەمینی و تۆپخانە، لەژێر ناوی ئۆپەراسیۆنی (چلە زەیتوون)، ھێرش دەکەنە سەر شاری عەفرین لە رۆژئاوای کوردستان.









باسنيوز