ل روژێن بۆری قوناغا ئێکێ یا دابەشکرنا نەفتێ بسەر ھاولاتیێن سەنتەرێ قەزا ئاکرێ دا دوماھیک ھات و چار ھزار خێزانان نەفت وەرگرت، ئەوێن مایی چاڤەرێ دابشەکرنێ دکەن.



ئێحسان خۆشەڤی، بەرپرسێ راگەھاندنا قایمقامیا قەزا ئاکرێ، راگەھاند: "ل چەند روژێن بۆری قوناغا ئێکێ یا دابەشکرنا نەفتێ ل سەنتەرێ قەزا ئاکرێ دەستپێکرو چار ھزار خێزانان نەفت وەرگرت. نۆکە ئەم بەرھەڤین و چاڤەرێ دکەین قۆناغا دووێ بگەھیت سەنتەرێ قەزایێ بۆ دابەشکرنێ".


ناڤبری تەکەز کر: "ئاکرێ پتر ژ دوازدە ھزار خێزان لێ ھەنە، قۆناغا ئێکێ چار ھزارا وەرگرت و نۆکە ھەشت ھزار خێزان چاڤەرێ دکەن کو کۆپۆنێن نەفتێ وەرگرن و ئەم ژی چاڤەرێ دکەین ھەردەما نەفتا پێدڤی گەھشت ئاکرێ راستەو خو بلەز دێ دەست ب دابەشکرنێ کەین ل وان گەرەکێن کو نەفت وەرنەگرتی".
bas news-