به‌ پێی ئامارێك کە له‌ به‌رێوه‌به‌رایه‌تی گشتی ته‌ندروستی دهۆك بڵاوكراوه‌ته‌وه‌، له‌ ماوه‌ی سێ ساڵی ڕابردوودا زیاتر له‌ دوو ملیۆن ئاواره‌ سه‌ردانی نه‌خۆشخانه‌كانی دهۆك و ده‌وروبه‌ریان كردووه‌.


به‌رێوه‌به‌رایه‌تی گشتی ته‌ندروستی دهۆك ئاماری سێ ساڵی خۆی بڵاوكرده‌وه‌ و تێیدا هاتووە، "نزیكه‌ی 2 ملیۆن و 300 هه‌زار ئاواره‌ی ناوچه‌كانی ناوچه‌كانی شه‌نگال، زومار، ته‌لكیف و ناوچه‌كانی دیكه‌ سه‌ردانی نه‌خۆشخانه‌كانی ده‌هۆك و ده‌وروبه‌ریان كردووه‌".


له‌ ئاماره‌كه‌دا ئەوەش هاتووە، كه‌ 150 هه‌زار و 130 نه‌شته‌رگه‌ری بۆ ئاواره‌كان كراوه‌.


ته‌ندروستی دهۆك ئەوەشی خستووەتە ڕوو، حكوومه‌تی عیراقی به‌ به‌پێی پێویست هاریكاری نه‌خۆشخانه‌كانی ده‌هۆكیان نه‌كردووه‌، بۆیه‌ ئه‌مه‌ وای كردووه‌ كه‌ بارگرانییه‌كان له‌سه‌ر نه‌خۆشخانه‌كانی دهۆك و ده‌وروبه‌ر زیاتر ببن".


سه‌باره‌ت به‌كردنه‌وه‌ی بنكه‌ ته‌ندروستییه‌كانیش له‌ نێو كه‌مپی ئاواره‌كان، ته‌ندروستی دهۆك ئاماژەی بەوە کردووە، تاوه‌كو ئێستا 23 بنكه‌ی ته‌ندروستی له‌ نێو ئه‌م كه‌مپانه‌ كراوه‌نه‌ته‌وه‌.

bas news-