جڤاتا دەڤەردارییا شنگالێ دیارکر کو ئەو دێ بەشداری دسەرئێخستنا پروسەیا ریفراندۆمێ بو سەربخویا کوردستانێ کەن.

پشتی کو د کۆمبوونا لایەنێن سیاسیێن کوردستانی ئەوا ل (٧-٦-٢٠١٧) بریار هاتیە دان کو دەڤەرێن کوردستانێی یێن ژ دەرڤەی ئیدارەیا هەرێمێ ژی بەشدارێی د ریفراندۆمی دابکەن ژ وانا ژی کەرکووک و شنگال چەندین دەڤەرێن ئەڤەژی بوو جهی دلخۆشیا وان.

ئەڤرۆ (وەیس نایف) سەرۆکێ جڤاتا دەڤەردارییا شنگال د کونگرەیەکێ رۆژنامەڤانی دا دیارکرو کو ئەو دێ پشکداریێ د سەرئێخستنا پروسا ریفراندۆمێ کەن .

ل (٣-٨-٢٠١٤)داعشێ دەست ب سەر شنگال دا گرت، و پاشان تەڤکوژی ب سەرێ کوردێن ئێزدیی ئینا ل وێ دەڤەرێ، وپاشان شنگال ب دوو قۆناغا هاتە ئازاد کرن ل سەر دەستێ پێشمەرگەیی ب سەرپەرشتیا (سەرۆک بارزانی) قۆناغا ئێکی باکووری شنگالێ و قۆناغا دووێ باشووری شنگالێ ئانکوو (سەنتەرێ شنگالێ).

(وەیس نایف) ئەو چەندە ژی گۆت: ''ریفراندۆم مافەکێ سروشتیێ شنگال و دەوروبەرایە و ئەم وەکو جڤاتا دەڤەردارییا شنگال پشتەڤانیا خوە بو سەرئێخستنا ریفراندمێ رادگەهینین ، ژبەرکو شنگال کوردستانیە و بەری نها ژی ژبەر کورستانبوونێ، حکومەتێن عیراقێ چەندین وێرانکاری و نەخوشی ب سەرێ خەلکێ شنگال ئیناینە.

زێدەتر گۆت:"ریفراندۆم مافەکێ سروشتیە و پشکداربوون د سەرئێخستنا وێ دا ئەرکەکێ رەوشتی یە."

جڤاتا دەڤەردارییا شنگالێ پشتی رزگارکرنا شنگاڵێ نها ب شیوەیەکی ئاساییی کارێ خۆ برێڤە دبەت ل شنگالێ.
kdp-