دھۆک.. د روودانەکا ھاتن و چوونێ دا شەش بوونە قوربانی
ئازاد تەھا، بەرپرسێ پەیوەندێ و راگەھاندنێ ل رێڤەبەریا ھاتن و چوونا پارێزگەھا دھۆکێ دیارکر: "روودانەکا ھاتن و چوونێ دناڤبەرا دو ترۆمبێلاندا چێبوو ل سەر رێکا ناحیا روڤیا و گۆندێ چامە، د وێ روودانێ دا شەش کەس بوونە قوربانێ، ئێکێ ژوانا گیانێ خوە ژدەستدا و پێنچ کەسێن دی برینداربوون و بۆ نەخۆشخانی ھاتنە ڤەگوھاستن".
خۆیا ژی کر: "د شەش ھەیڤێن بۆرێدا ل دھۆکێ پتر ژ 500 روودانێن ھاتن وچوونێ رووداینە 109 کەسان گیانێ خوە ژدەستداینە و 1519 کەس ژی برینداربووینە".
باسنیوز
