ئەندامەكی جڤاتا قەزا شنگال دیاركر كو ل سیبا شێخدر بن دەستەلاتا حەشدا شەعبی دا شەش گۆرێن بكۆم یێن هاتینە دیتن، مەترسیی هەیە ئه‌و گۆر بهێنە تێكدان بۆ جینوسایدێ‌ نەهێنە پاراستن.



ئەڤرۆ 23/7/2017 رۆژا ئێك شەمبی، خەیری زیبان، ئەندامێ‌ جڤاتا قەزا شنگال دیاركر: "ل سیبا شێخدر شەش گۆرێن بكۆم یێن كوردێن ئێزدی یێن هاتینە دیتن، رۆڤاتێن گەلەك كەسان دناڤ وان گۆرێن بكۆمدا هەنە. دووڤ پێزانینان‌ ئەو گۆرێن بكۆم وەكو پێدڤی ناهێنە پاراستن ومەترسیی هەیە بهێنە تێكدان. ئەم داخوازێ ژ حكومەتا هەرێما كوردستانێ‌ و بەغدا دكەن هەموو گۆرێن ب كۆم بهێنە پاراستن و دەست ب ڤەكرنا گۆرێن ب كۆم ژی‌ بهێتە كرن".



خۆیا ژی كر: "هەكە ئەڤ سالە ژی‌ گۆرێن بكۆم نەهێنە ڤەكرن وەرزێ زڤستانی بسەردا بهێت دوور نینە ئەو هەستی و جل وبەرگ ژبن ئاخێ بهێنە دەرئێخستن وزیان بگەهتێ. ئەم داخوازێ دكەین بەری سالڤه‌گه‌را كارەساتا شنگال بهێتدەست ب ڤەكرنا گۆرێن بكۆم بهێتە كرن".
BAS NEWS-