- (هشیار سەعید ئەرەدنى) بەرپرسێ سەنتەرێ رەوشەنبیرى و جڤاکى ل زانکۆیا دهۆک راگەهاند، دێ دوەرزەکێ رەوشەنبیرى دا،بەحس ل گرنگیا ئەنجامدانا ریفراندۆمێ و پشکداریا دەڤەرێن دەرڤەیى هەرێما کوردستانێ دریفراندۆمێ دا دئێتەکرن.

پشتى 11ى تیرمەها ئەڤ سالە، شاندێ بلندا ریفراندۆمێ ب سەرپەرشتیا سەرۆکێ هەرێما کوردستانێ (مەسعود بارزانى)، سەرەدانا پەرلەمانێ ئورۆپا ل برۆکسل کرى و ئەنجامێن ئەرینى بدەستڤە ئیناین، پرسا ریفراندۆمێ بو بابەتەکێ دەولەى و نافخۆیى، لەوا زانکۆیا دهۆک ژى ب ئەرکێ خۆ زانى پێشتەڤانێ ل سەرئێخستنا ڤێ پرۆسێ بکەت ب ئەنجامدانا وەرزەکێ رەوشەنبیرى بۆ ماوەیێ پێنچ رۆژان، لرێکەفتى 23-27/ 7/ 2017ێ، ل سەنتەرێ رەوشەنبیرى و جڤاکیێ زانکۆیا دهۆک.

(هشیار ئەرەدنى)، بۆ مالپەرێ فەرمیێ پارتى دیموکراتى کوردستان راگەهاند: "وەرزێ رەوشەنبیرى یێ سەنتەرێ رەوشەنبیرى و جڤاکى ل زانکۆیا دهۆکێ، دێ رۆژانە ئێک بابەت ب دوو پەنەلان لسەر پرسا ریفراندۆم و شەرعیەت و کارتێکرن و پێشتەڤانیا نیڤدەولەتى و گرنگیا پشکداریا خەلکێ دەڤەرێن دەرڤەیى هەرێمى دریفرادۆمێ دا و رۆلێ وان دپرسێن سیاسى دا ل کوردستانێ ئێنە بەحسکرن، دیسان تەوەرێ پێکڤەژیان و رۆلێ خەلکێ کوردستانێ دڤێ ئێکێ دا ئێتە بەر بەحسکرن".

(ئەرەدنى) گۆت: "پشکداریا خەلکێ دەڤەرێن دەرڤەیى هەرێمى دریفراندۆمێ دا، پتر گرێدایى باوەرى بخۆبوونێ یە لدەڤ وان، کۆ دێ چەوا پشتراست بن پاشەرۆژا وان دگەل کوردستانێ یا پاراستى یە، ئەڤ چەندە ژى دێ ب بەلگە و ب روودانێن دیرۆکى ئێتە بەحسکرن".

سه‌نته‌رێ ره‌وشه‌نبیرى و جڤاکى ل زانکویا دهوک دناڤا کەمپا زانکۆیێ یە ل مالتایێ، ل سالا 1992 هاتیه‌ دامه‌زراندن، وه‌کو ده‌روازه‌یه‌ک بکار بوویه‌ و جهه‌کێ به‌رده‌وام بوویه‌ ژبو په‌یداکرنا گه‌شه‌یه‌کا بێهنفره‌ه و خوش بو سه‌رجه‌م مێهڤان و ماموستا و فه‌رمانبه‌ر و قۆتابیێن زانکویێ ل ده‌مێن بێهن ڤه‌دانێ، سه‌نته‌ر به‌رده‌وامه‌ د راپه‌راندنا ئه‌رک و کارێن زانستى و ئه‌کادیمى و بزاڤ و چالاکى و بویه‌رێن جوراوجورێن نشتیمانى و نه‌ته‌وه‌یى، کۆ ب چوار پشکا پێک دئیت و پتر ژ 40 فەرمانبەرا کار لێ دکەن.
KDP-