ئەندامێکی ئەنجومەنی پارێزگای مووسڵ، ئاماژە بەوە دەدات کە بەشێک زۆر لە منداڵە کوردە ئێزدییە رفێندراوەکان، زمانی دایکیان برچووە، زۆرجاران لەکاتی رزگارکردنیان، ناوی خۆیان و باوک و دایکیان لەبیر کردووە و نایزانن.



سەیدۆ چەتۆ، ئەندامی ئەنجومەنی پارێزگای مووسڵ، راگەیاند: "ئەوە بۆ سێ ساڵ دەچێت تیرۆریستانی داعش، مێشکی منداڵەکانی ئێمە دەشۆنەوە و فێری کاری توندوتێژی و خراپیان دەکەن، زۆرجاران ئەو منداڵانەی کە رزگار دەکرێن، ناوی خۆیان لەبیر کردووە، کە دوای ئەوەی لە کارەساتی شنگال 3/8/2014 رفێندراون، تەنانەت ناوی دایک و باوکیشیان لەبیر کردووە و نازانن".



ئەندامەکەی ئەنجومەنی پارێزگای مووسڵ، ئەوەشی روون کردەوە: "زۆر پێویست و گرنگە حکوومەتی ھەرێمی کوردستان، سەنتەرێکی تایبەت بۆ پەروەردەکردنی ئەو منداڵە رفێندراوانە بکاتەوە، چونکە دوای رزگارکردنیان کاریگەری تیرۆر و رفاندنیان لەمێشک دەمێنێت، داواکارین گشت رێکخراوە کۆمەڵایەتییەکان خۆیان لە ئاست ئەو منداڵانە بە خاوەن بزانن".

bas news-