سەرۆکی فراکسیۆنی پارتی دیموکراتیی کوردستان لە ئەنجومەنی نوێنەرانی عێراق ئاماژە بەوە دەکات کە پارتی دوو مەرجی داوەتە لایەنە سیاسییەکانی عێراق و حکوومەتی عێراق، ئەگەر ئەوە جێبەجێ نەکرێت، بڕیاری خۆیان دەدەن.



د. عەرەفات کەرەم ستونی، سەرۆکی فراکسیۆنی پارتی لە پەرلەمانی عێراق،ڕاگەیاند: پارتی دوو مەرجی ھەیە بۆ بەشداریکردن لە خولی داھاتووی پەرلەمان و حکوومەتی عێراق، یەکەم دەبێت سیستەمی یاسایی کۆمسیۆنی ھەڵبژاردنەکان لە عێراق بگۆڕێت“. ئەوەشی ڕوون کردەوە کە ناکرێت لە کوردستاندا کەسێک 14 ھەزار دەنگ بھێنێت، ئینجا بتوانێت بچێتە پەرلەمان، کەچی ”لە باشووری عێراق خەڵکانێک بە 400 دەنگەوە ببنە پەرلەمانتار“.



عەرەفات کەرەم ئاشکرای کرد: ”ئێمە داوای سیستەمی یەک بازنەیی دەکەین، مەرجی دووەم“. باسیشی لە مەرجی دووەمیان کرد و گوتی: ”ئەگەر زۆرینەی سیاسی لە عێراق پەسەند کرا، ئەوە پارتی لە ھەڵبژاردن و حکوومەتی عێراق بەشداری ناکات و دەکشێتەوە و ھەردوو مەرجەکەشمان داوەتە بەغدا"





باسنیوز