دوانیوەڕۆی دوێنێ هەینی لە سنوری شارۆچکەی چۆمان، بەهۆی رووداوێکی هاتوچۆوە، چوار گەشتیاری خێزانیکی شاری هەولێر برینداربوون یەکێکیش گیانی لەدەست دا.



نەقیب هاوار ئەرگوشی، گوتەبێژی پۆلیسی سۆران، راگەیاند، کاتژمێر ۲ی دوای نیوەرۆی دوێنێ هەینی 14-7-2017 ئاگادار کراینەوە، کە بەهۆی ڕووداوێکی هاتوچۆوە لە سنوری قەزای چۆمان، پێنج هاووڵاتیی خێزانێک زامدار بوونە و یەکێکیش لەوانە بەناوی (ش-س-ع) بەهۆی سەختیی برینەکەیەوە گیانی لەدەست داوە".



گوتیشی "قوربانیانی ئەم خێزانە دانیشتوی شاری هەولێرن، بەمەستی گەشت هاتبوونە دەڤەری چۆمان، لە گردتاڵان ئۆتومبێلەکەیان وەڕگەراوە، پەراوی لێکۆڵینەوە بۆ رووداوەکە کراوەتەوە و تەرمی مردووەکەش رەوانەی پزیشکی دادی کراوە، هەروەها لەبەر خراپی باری تەندروستیی زامدارەکان رەوانەی نەخۆشخانە کراون".






باسنيوز