به‌رپرسێ پشكا راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ دیاركر كو تیمێن ساخله‌میا دهۆك، ئێڤاریا دوهێ درەنگ ته‌رمێ پێنچ ئه‌ندامێن خێزانه‌كا كورد ژ بن ئاڤاهیى تۆپبارانكرى ده‌رئێخستن بۆ نوژداریا داد دهۆك هاتنه‌ ره‌وانه‌كرن.


حه‌مزه‌ ره‌زیكى به‌رپرسێ پشكا راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ دیار كر "ل رۆژا 23/6/2017 خانیى ڤێ خێزانا كورد ل مووسل هاته‌ تۆپبارانكرن د ئه‌نجامدا پێنچ كه‌س ژ ئه‌ندامێن وێ خێزانى هاتنه‌ كوشتن پشتى گه‌له‌ك هه‌وڵدان هاتێنه‌ كرن ئێڤاریا دوهێ 13/7 تیمێن 122 یێن ساخله‌میا دهۆكێ شیان ته‌رمێ هه‌ر پێنچ ئه‌ندامێن وێ خێزانا كورد ژ بن ئاڤاهیى هاتیه‌ تۆپبارانكرن ده‌ربیخن بۆ نوشداریا داد ل دهۆك ره‌وانه‌ كرن".


خۆیا ژى كر "ئه‌ڤ خێزانا كورد ژ 11 كه‌سان پێك دهات، ده‌مێ هاتیه‌ تۆپبارانكرن پێنچ ژوان هاتینه‌ كوشتن هنده‌ك ژى برینداربوون، هه‌تا ئه‌ڤرۆكه‌ ژى ل نه‌خۆشخانا ته‌نگاڤیان ل دهۆكێ چاره‌سه‌رى وه‌ردگرن سێ ژ كوشتیان زه‌لامن و ئێك زارۆكا یێ دى ژى ژنه‌كا ژ وێ خێزانێ هاتیه‌ كوشتن".
bas news-