بەرپرسێ لقا 16 یێ پارتى دیموکراتى کوردستان و ئەندامێ ئەنجوومەنێ سەرکردایەتیا وێ پارتێ ل هەولێر راگەهاند، شاندێ بلندا ریفراندۆمێ ب سەرپەرشتیا (مەسعود بارزانى)، سەرۆکێ هەرێما کوردستانێ، داخوازا مللەتێ کورد گەهاندنە ئێکەتیا ئورۆپا، دیسان مەترسیا مانەڤەیا هەرێما کوردستانێ بڤى شێوەیى بەحس کریە.


(بلند ئیسماعیل)، بۆ مالپەرێ فەرمیێ پارتى دیموکراتى کوردستان گۆت:" ئەنجامدانا ریفراندۆمێ ددەمەکێ گۆنجایى دا ب باشترین بریار هاتە پەسەندکرن".

ل 11 تیرمەها ئەڤ سالە، کومبوونەکا بەرفرەها شاندێ جڤاتا بلندا ریفراندۆمێ یێ پێکهاتى ژ کوردێن (موسلمان و ئێزیدى و مەسیحى) و نوونەرێن ئاشور و تورکمان و ئەندامێ سەرکردایەتیا ئێکەتى نیشتیمان کوردستان و نوونەرێ ئێکگرتوویى ئیسلامى ب سەرپەرشتیا (مەسعود بارزانى)، سەرۆکێ هەرێما کوردستانێ دگەل پەرلەمانێ ئورۆپا ل بروکسل بایتەختێ بەلجیکا هاتە پرێڤەبرن، کۆ ئەنجامێن باشە تومارکرن و شیان رایا ئورۆپا ب ئەرینى بۆ ئەنجامدانا ریفراندۆما هەرێما کوردستانێ بدەستڤە بینن.

بەرپرسێ لقا 16 یێ پارتى دیموکراتى کوردستان خویاکر:" شاندێ جڤاتا بلندا ریفراندۆمێ دکومبوونا خودا دگەل پەرلەمانێ ئورۆپا، بەحس ل ریفراندۆم و داخوازا مللەتێ کورد کریە و مەترسا مانەڤەیا هەرێما کوردستانێ بڤى شێوەیى بۆ وان دیار کریە، و ڤێ چەندێ هەلویستێ گەلەک دەولەتان گهوریە و نوکە دزانن داخوازیا مللەتێ کورد جیە؟، دبیت هەلویستى گەلەک دەولەتێن دیتر ژى بهێتە گهورین بۆ پێشتەڤانیکرنێ ل ریفراندۆما جودابوونا کوردستانێ ژ عیراقێ".

(بلند)؛ ئاماژە دا:" هاتنا چاڤدێرێن سیاسى ژلایێ پەرلەمانێ ئورۆپا ڤە بخو شرعیەتە بۆ ریفراندۆمێ و پالپشتیە بۆ ڤێ پروسێ، ولاتێن ئورۆپى هەر ژ نوکە و تا راگەهاندنا ئەنجامێن ریفراندۆمێ دێ چاڤێن وان ل ڤێ پروسێ بیت و ئەڤە دپەرژەوەندیا مللەتێ کورد دایە و دێ بەرپرسایەتیەکا مەزنتر کەفیتە سەر ملێن سەرکردایەتیا سیاسى کورد ل هەرێما کوردستانێ"
kdp-