سارتاچ بوجاک: ریفراندۆم نیشانا دیمۆکراسیا ئیرادەیا مللەتێ کوردە
دوهی ل ١١/٧/٢٠١٧ ێ د گۆتارکێ دا ل پەرلەمانێ ئەوروپا(سەرۆک بارزانی) سەرۆکێ هەرێما کوردستانێ د گۆتارەکێ دا دیارکر، کو گەلێ کورد ژی دڤێت وەکی هەموو گەلین دونیایێ سەربەخۆ بیت.
هەر وەسان مللەتێ کورد گەلەک قوربانی داینە و ب درێژاهیا دیرۆکێ، و چەندین نەخۆشی دیتینە و نها مللەتێ کورد بەرەڤ ریفراندۆمێ ب رێکەفتیە د ڤی دەربارەی دا (سارتاج بوجاک)، سەرۆکێ پارتی دیموکراتی کوردستان-باکور(PDK-bakur) بۆ ماڵپەرێ فەرمیی یێ پارتی دیموکراتی کوردستان گۆت:" ھەتا کو ملەتێ کورد گەهشتە ڤێ رۆژێ، قوربانێین گەلەک گران دان. ژ ‘شۆرەشا ئیلۆنێ (١٩٦١) ھەتا ‘شۆرەشا گولانێ، ئانکۆ ھەتا سالێن ١٩٩١ێ،و رژێما سەددام، ل ھەمبەری کوردان شەر و کۆمکوژیێن برێڤەبرن، بەلێ ملەتێ کورد خوە رادەستی ڤێ زلم و زۆرداریێ نەکر. د ئێرشێن ب ناڤێ ئەنفالێ دە کو ل دژی خەلکێ سڤیل پێک ھاتن، ٢٠٠.٠٠٠ و د کیمیابارانا ھەلەبچەیێ دە ٥.٠٠٠ کورد ھاتن کوشتن. گوندێن کوردان ھاتنە وێرانکرن.
کوردستان نها بوویە بنەگەهەکی پێکڤەژیانێ، و چەندین ئۆل و نەتەوە تێدا دژین، هەر د شاندا ریفراندۆمێ دا ل برۆکسلێ نووێنەرێن پێکهاتەیێن کوردستانی، ئێزدی و مەسیحی و تورکمان و نوینەرێ یەکگرتوویا ئیسلامی ژی تێدانە، ژبەر ڤێ یەکێ ژی (بوجاک)، دبێژیت:'' د دەما ئێرشێن داعشێ دە کوردستان ، نە بتنێ بۆ کوردان، ژ بۆ کۆچبەرێن عیراقی و ب تایبەت ژی ژ بۆ پێکھاتەیێن ئۆلی ژی بوو ستارگەھەکا ئارام.''
پشتی کوو د کۆمبوونا ٧ حزیرانا بۆری دا بریار هاتیە دان کو ل ٢٥ ئەیلولا ئەڤ ساڵە دێ ریفراندۆم بهێتە کرن، سەرۆکێ پارتی دیموکراتی کوردستان- باکووری گۆت:'' کوردستان دێ ڤەگەریێتە ژیانەکا باش یا ئیمناهی، ئابۆری و پێشکەفتنا جڤاکی، دیمۆکراسی، شەریعەتا یاسایی و ب کورتی پێشەرۆژەک ب ئیمناهی و زەلال دی برێڤە بەت.
کوردان گەلەک بزاڤ کرن د عیراقەکا ئیکگرتی و هەڤبەش دا بمینن ، بەلێ حکومەتا عیراقێ هەموو بەندێن یاسایی پێشێل کرن و چو بەند ب دروستی پێکنەئینان، و دەست ب برینا بوودچە و مووچەیێ کوردستانیان کر، ژبەر ڤێ یەکێ ژی نها کوردستان بەرەڤ ریفراندۆمێ کەفتیە ڕێکێ پیدڤێ ب ڤێ پرسێ ژی (بوجاک)ی گۆتژی:'' عیراقەکا ئێکگرتی نەمایە، کو ھندەک کەس و ئالی ھەولدانێن رازیکرنێ ژ بۆ وێ ددەن. ژ بەر کو هەردەم بوویە جھێ بێ ئیستیقراریێ ، دڤێ رایا گشتییا جیھانێ و کۆمەلگەھا نیڤدەولەتی رێزێ ژی ل بریار و ئیرادەیا مللەتێ کورد بگرن، کو راستی ڤان کارەسات و کۆمکوژیان ھەموویان ھاتینە.
ناڤهاتی، دەربارەی پشتەڤانیا کوردان بۆ پرسا ریفراندۆمێ گۆت:''دڤێت ئەم پشتەڤانیا ریفراندۆمێ بکەین. سەرکەفتنا ریفەراندووما باشوور گرنگە. ھەرێما کوردستانێ ل گەل جیرانێن خوە ھەردەم دناڤ دانووستاندن و تێکلی و جیرانیەکا باش دا بوو، و ئەم ھەردەم ژی لگەل وێ یەکێ نە کو تێکلی و جیرانیا د ناڤبەرا ھەرێما کوردستانێ و ترکیێ دە ب هێز بیت، و ئەم دێ ھەر لگەل ڤێ یەکێ ژی بن. ژ بەرکو ئەڤ قۆناغەکە هەستیارە، و ئەڤە پەییرەوەکی کوردەوارییە ژی. دڤێت ئەم بزاڤێن خوە ژ بۆ ریفەراندوومێ و ئەنجامێن وێ ب کار بینن، و ھەر بزاڤان بکەین بۆ ڤێ ئارمانجێ.
kdp-
