یەکێتیی زانایانی ئایینی ئیسلامیی کوردستان راگەیەندراوێک لەبارەی ریفراندۆمی سەربەخۆیی کوردستانەوە، بڵاو دەکاتەوە.

لە راگەیەندراوەکەدا، هاتووە، رۆژی چوارشەممە 12.7.2017، ئەنجومەنی ناوەندیی یەکێتییەکە کۆ بووەتەوە و تێیدا باسی باسیان لە دوایین پەرەسەندنەکانی شەڕی دژی رێکخراوی تیرۆریستی داعش کردووە و وێڕای دەربڕینی خۆشحاڵی بەرامبەر دووکردنەوەی داعش لە کوردستان، ئەنجامانی ئەنجومەنەکە ستایشی قارەمانێتیی پێشمەرگەیان کردووە و سڵاویان بۆ گیانی شەهیدان ناردووە.

ئەنخومەنی ناوەندیی یەکێتیی زانایانی ئایینی ئیسلامی ئەنجامدانی ریفراندۆمی سەربەخۆیی کوردستان بە ”مافێکی رەوای ئایینی، نەتەوەیی، نیشتمانیی و مرۆیی“ گەلی کوردستان دەزانێت و پشتیوانیی بۆ پرۆسەکە دەردەبڕێت.

هەروەک لە راگەیەندراوەکەدا هاتووە، یەکێتیی زانایانی ئایینی ئیسلامیی کوردستان داوا لە حزب و لایەنە سیاسییەکانی کوردستان دەکات ”ئاشتبوونەوەیەکی سیاسی، کۆمەڵایەتیی و نیشتمانی“ ساز بکەن و ناکۆکییەکان لە نێوانیان نەهێڵن و ئەمەش بە هۆکاری ”سەرکەوتن“ی پرۆسەکە دادەنێت.

پێشتر لە کۆبوونەوەی رۆژی چوارشەممە 7.6.2017ـی مەسعود بارزانی، سەرۆکی ھەرێمی کوردستان لەگەڵ نوێنەر و سەرکردەی حزب و لایەنە سیاسییەکانی کوردستان، بڕیاردرا رۆژی 25ـی ئەیلوولی 2017 ریفراندۆمی سەربەخۆیی کوردستان لە ھەرێمی کوردستان، کەرکووک و ناوچە کوردستانییەکانی دەرەوەی ئیدارەی ھەرێمی کوردستان، ئەنجام بدرێت.












باسنیوز