وا بڕیارە ئەمڕۆ چوارشەممە وەفدێكی باڵای حكوومەتی عێراق لە ڕێگەی فڕۆكەخانەی نێودەوڵەتی هەولێرەوە سەردانی هەرێمی كوردستان بكەن.



سەفین دزەیی، گوتەبێژی حكوومەتی هەرێمی كوردستان بۆ دەزگاكانی ڕاگەیاندن گوتی "ئەمڕۆ چوارشەممە 2017/7/12 وەفدێكی باڵای حكوومەتی عیراق كە پێكهاتوون لە ژمارەیەك وەزیر و بریكاری وەزارەتەكانی حكوومەتی عێراق و چەندان بەرێوەبەری گشتیی دیکە دەگەنە كوردستان و لەگەڵ سەرۆكی ئەنجومەنی وەزیرانی هەرێم و وەزیرە هاوشانەكانیان گفتوگۆ لەسەر بابەتە جیاوازەكان دەكەن.



شاندەکەی بەغدا بریتین لە وەزیری نەوت، وەزیری کارەبا و کشتوکاڵ و پەروەردە کە لەلایەن د. ئاشتی هەورامی، وەزیری سامانە سروشتییەکان و د. پشتیوان سادق وەزیری پەروەردە و گوتەبێژی حکوومەتی هەرێمی کوردستانەوە پێشوازییان لێ دەکرێت".



باسنيوز