رێڤه‌به‌رێ نڤیسینگه‌ها رزگاركرنا ره‌ڤاندیێن كوردێن ئێزدى،دیاركركو ئه‌ڤرۆ (10-7-2017)دوو كچێن دێ یێن كوردێن ئێزدى بناڤى سهیله‌ ده‌خیل و مادلین میرزا ژ پارێزگه‌ها مووسل ده‌ستێن تیرۆرستێن داعش هاتنه‌ رزگاركرن.



حسێن كورۆ قائێدى، رێڤه‌به‌رێ نڤیسینگه‌ها رزگاركرنا ره‌ڤاندیێن كوردێن ئێزدى، دیاركر:" ئه‌ڤرۆ (10-7-2017) سهیله‌ ده‌خیل دژیى 16 سالیێ دا خه‌لكا شنگال گه‌هشتنه‌ نڤیسینگه‌ها رزگاركرنا ره‌ڤاندیێن ئێزدى ل ده‌مژمیر( 4:15 )ده‌قیقه‌ ژێ كچه‌كا دێ ب ناڤى مادلین میرزا دژیێ 18 سالیێ دا خه‌لكا حه‌ردان ژ مووسل ده‌ستێن تیرۆرستان رزگاربوون و هژمارا كچ وژن وزارۆكێن ئێزدى یێن دهێنه‌ رزگاركرن یا به‌ره‌ڤ زێده‌بوونى دچیت".



خۆیا ژى كر:" ل سه‌ر ده‌مێ حكومه‌تا نورى مالیكى 6417 كه‌سێن ئێزدى هاتبوونه‌ گرتن و ره‌ڤاندن سالا 2014ێ ژلایێ تیرۆرستێن داعش ژوانا ژێ 3547 كچ وژن و 2870 زه‌لامن هه‌تا نوكه‌ پتر ژ3055 كه‌سان ژهه‌ردو ره‌گه‌زان یێن هاتینه‌ رزگاركرن پشته‌ڤانیا حكومه‌تا هه‌رێما كوردستانێ".
bas news-