بەرپرسێ لقا دەهـ یێ پارتى دیموکراتى کوردستان ل سۆران، و ئەندامێ سەرکردایەتیا وێ پارتێ، راگەهاند، ژ ئەنجامێ ئیدارەکرنا خراب ژ لایێ حکومەتا عیراقێ و دژایەتیا کوردان بۆ ئەگەر کورد د رژدبن ب جودابوونێ ژ عیراقێ.

(عەلى عەونى)، بۆ ماڵپەرێ فەرمیێ پارتى دیموکراتى کوردستان گۆت:" پرسا باشورێ کوردستانێ دگەل پرسا باکور و رۆژهەلاتێ کوردستانێ جودایە، جونکو ل دەستپێکا دروستبوونا عێراقێ بریار بوو کورد ل باشورێ کوردستانێ جورەکێ ئوتومى هەبیت و زمانێ کوردى یێ ئازاد هەبیت، و ب مخابنى ڤە حکومەتا عێراقێ پابەندى ب بریارێن خو نەبوو، کو ئێکەم سوپایێ دامەزراند ب وێرانکرنا گوندێن کوردان تاقیکر".

بەرپرسێ لقێ دەهـ یێ پارتى دیموکراتى کوردستان ئەو چەندە ژى گۆت:" لاوازیا عێراقێ و خراب بکارئینانا ئیدارا عێراقێ ل باشورێ کوردستانێ ڤالاهیەک پەیدا کر، کو ل باشورێ کوردستانێ دانپێدانێ ب وێ نەکەن ، و خۆ پشکەک ژ عێراقێ نەزانن، جونکو ب دژایەتیا کوردان رابوون".

(عەلى عەونى)، خویا ژی کر:" باشترین چارە ژئێک جودابوونە ژ عیراقێ، و بزووترین دەم ریفراندوم بهێتە ئەنجامدان، دا کو رایا جەماوەرێ کوردستانێ ئێکلا ببیت، بەرامبەر گۆتن و کریارێن دۆژمن و داگیرکەران".

kdp _