پشتی کو چەندین ھەول ھاتینە دان نڤیسینگەھەکا وەلاتێ تورکیا بو پارێزگەھا دھوکێ دیارکرن و تێدا ئەو نڤیسینگەھە بشێت ب شێوەیەکێ راستەوخو ڤیزا وەلاتێ تورکیا ب خەلکێ پارێزگەھا دھوکێ بدەت بێ کو خەلکێ دھوکێ قەستا ھەولێرێ بکەت وەسان ژ ڤانە سوبەھی ل رێکەفتی 10/7/2017 ل باژێرێ دھوکێ نڤیسینگەھەکا وەلاتێ تورکیا بھێتە ڤەکرن و ڤیزا وی وەلاتێ ب خەلکێ پارێزگەھا دھوکێ بھێتە دان.

ھالیس عەلی چەقماق وەکە رێڤەبەرێ نڤیسینگەھا دھوکێ یا دانا ڤیزا ھاتیە دەستنیشانکرن دیارکر: ب مەرەما دانا ڤیزا وەلاتێ تورکیا ب خەلکێ ھەرێما کوردستانێ و پارێزگەھا دھوکێ سوبەھی دێ ل دھوکێ ب رێورەسمەکێ ھەژی دا نڤیسینگەھا دانا ڤیزا بو وەلاتێ تورکیا ل دھوکێ ھێـتە ڤەکرن و ئەڤە پێنگاڤەکا مەزنە بو باژێرێ دھوکێ دھێتە ھاڤێتن.

ناڤبری ئەو چەندە ژی دا دیارکرن: بەری نوکە خەلکێ پارێزگەھا دھوکێ بو وەرگرتنا ڤیزا وەلاتێ تورکیا قەستا پارێزگەھێن دی یێن ھەرێما کوردستانێ دک و ب تایبەتی ھەولێرا پایتەخێ ھەرێما کوردستانێ لێ نھا دا پێـتڤی ناکەت خەلکێ پارێزگەھا دھوکێ وێ زەحمەتێ ب بینیت و ژ سوبەھی وێڤە دێ ب شێوەیەکێ ب ساناھی خەلکێ پارێزگەھا دھوکێ ل باژێرێ خو شێن ڤیزا وەلاتێ تورکیا ب دەست خوڤە ئینن و ب ساناھی قەستا وەلاتێ تورکیا کەن و ئەڤ چەندە پێنگاڤەکا گرنگ و پێـتڤی و مەزن بو بو پارێزگەھا دھوکێ ھاتیە ھاڤێـتن.

ھالیس عەلی چەقماق وەکە رێڤەبەرێ نڤیسینگەھا دھوکێ یا دانا ڤیزا ھاتیە دەستنیشانکرن دیارکر ژی: دھوک پارێزگەھەکا گرنگە دگەل وەلاتێ تورکیا لەورا ب ھەمو شیان ڤە دێ ھەول دەین خزمەتێن باش و جوان پێشکێَشی خەلکێ دھوکێ بکەین و دانا ڤیزێ بو خەلکێ پارێزگەھا دھوکێ ھەر ل دھوکێ دا ، دێ خەلکێ دھوکێ دلخوش بیت و ژ گەلەک زەحمەتێ دویر کەڤن.









باسنیوز