پەرلەمانتارا کوردا ئێزدی ل پەرلەمانێ عیراقێ راگەهاند، ئەڤرۆ پێنچ شەمبوویێ، ئافرەتەکا دی یا کوردا ئێزدی ل باژارێ مووسلێ هاتە رزگارکرن.

(ڤیان دەخیل)، بۆ ماڵپەرێ فەرمیی یێ پارتی دیموکراتی کوردستان گوت:" شانەیێن راگەهاندنا جەنگی، بۆمە دیارکرینە کو فیرقەیا ١٦ یا سەر ب هێزێن عیراقی شیاینە کچەکا ئێزدی رزگاربکەن و ژمارەیەکا زۆر یا چەکدارین داعش بکوژن.

هەروەهان ل دووڤ راگەهاندنا دوماهیێ یا ریڤەبەریا کاروبارێن ئێزدییان ل وەزارەتا ئەوقافا حکومەتا هەرێما کوردستانێ کو ل ٢ ڤێ هەیڤی بەڵاڤکربوون، کو ژمارەیا گرتێێن دەستی داعش ٦٤١٧ کەس بوون، و ٣٠٤٨ کەس هاتینە رزگارکرن، و هەتا نها ٣٣٦٩ کەس ددەستێ داعش دا ماینە .

ل ٣ ئابا ٢٠١٤ ێ داعشێ دەست ب سەر شنگالێ دا گرت، ب هەزاران کچ و ژنێن ئێزدییان رەڤاندن و ڤەگوهاستنە وان جهێن کو دەستهەڵاتا وان ل سەر یە زاڵ، و پاشان ژ بەر ڤێ چەندێ نڤیسنگەها کاروبارێن رەڤاندیان ل پارێزگەها دهۆکی یا کو سەر ب نڤیسینگەها سەرۆکێ حکومەتێ یە هاتە ڤەکرن، و شیان بەشەکی مەزن ژوان کچ وژنان رزگاربکەن
kdp-